Merkezê Îrtîbatî û Çapemenîye yê HPGyî bi eşkerayîyêke nasnameyê hîrê şehîdan eşkera kerdî û keyeyanê şehîdan û şarê Kurdîstanî yê welatperwerî ra serweşîye waşte.
Eşkerayîye wina ya:
”Sere de Herêmanê Pawitişî yê Medya de pêro Kurdîstan de têkoşînê ma yo bêmabên vera hêrişanê artêşa tirke ya îşxalkere dewam keno. Gerîlayî xeta fedayîtîye de bi xoverdayîşê xo hêrişanê îşxalî şiknenê û seba ke sozê xo yê serfîrazîye verê şarê ma de bîyarê ca xîret kenê. Nê têkoşînê ma yê destanwarîyî de embaze Avesta Têkoşîn hezîrana 2023yî de, Bawer Arîn û Zinar Serêçiya zî 6ê temmuza 2023yî de şehîd bîyî.
Nê embazanê ma bêteredut û bi perwerî têkoşîn kerd û şehîd bîyî. Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê.
Embaze Avesta Sêrt de dadîya xo ra bena. A hêverî sey aktîvîsta heqanê cinîyan têgêrena la cigêrayîşan ra dima seba têkoşînêkê xurtêrî 2014 de tewra gerîlayan bena. A Garzan de dest pê gerîlatîye kena, xo aver bena û sey milîtanêka serkewte ya YJA-Starî têgêrena. A dima derbazê Herêmanê Pawitişî yê Medya bena û tîya de derbanê giranan dana dişmenî ro. Embaze Avesta Heftanînî ra heta Xakurkê têkoşînêkê xurtî kena û Girê Hekarî de serkêşîya şerî kena. Embaze Avesta sey milîtanêka serkêşe têkoşînê azadîye de cagêna.
Embaz Bawer Wan de dadîya xo ra beno. O verî xebatanê ciwanan de cagêno û dima 2016 de verê xo dano koyan beno gerîla. Embaz Bawer Metîna de perwerde gêno û mîyanê tîmanê hereketînan de cagêno. Embaz Bawer seba ke qesasê şehîdan bigêro bi xurtî têkoşîn keno û dano dişmenî ro. Embaz Bawer hêrişêkê dişmenî de şehîd beno û bi nê hawayî têkoşînê xo yê şorişî zî asta leweyî de temam keno.
Embaz Zinar Hesekê de dadîya xo ra beno. O verî Şorişê Rojawanî de cagêno. 2016 de zî xeyalê xo yê pîlî ano ca û verê xo dano koyanê Kurdîstanî. Embaz Zinar koyan de pê perwerdeyan xo aver beno. O tim keno ke pê têkoşînê xo cewabê tecrîdê giranî yê vera Rayberîye bido. Embaz Zinar tunelanê şerî de xoverdayîşê xo keno pîlêr û tîmanê hereketînan de çalakîyanê serkewteyan de cagêno. Vîrameyîşê ey do mîyanê têkoşînê ma de biciwîyo.”
Nasnameyê embazanê ma yê şehîdan wina yê:
 |
Nameyê Qodî: Avesta Têkoşîn
Name û Peyname: Mizgîne Aşkara Cayê Bîyayîşî: Sêrt Maye-Pî: Emîne – Beşîr Tarîx û Cayê Şehadetî: Temmuza 2023yî / Herêmê Pawitişî yê Medya |
 |
Nameyê Qodî: Bawer Arîn
Name û Peyname: Mesut Demîrkan Cayê Bîyayîşî: Wan Maye-Pî: Peruye – Sadik Tarîx û Cayê Şehadetî: Hezîrana 2023yî / Herêmê Pawitişî yê Medya |
 |
Nameyê Qodî: Zinar Serêçiya
Name û Peyname: Mihemed Abdulxanî Cayê Bîyayîşî: Hesekê Maye-Pî: Hena – Abdulxanî Tarîx û Cayê Şehadetî: Temmuza 2023yî / Herêmê Pawitişî yê Medya |
