Merkezê Îrtîbatî û Çapemenîye HPGyî nasnameyê 4 gerîlayanê ke Zap û Metîna şehîd bîyî eşkera kerdî û nê vatî:
“Hemleya Şorişgêre ya Şehîd Savaş Maraşî ya Cengê Xabûrî pê fedakaranê girdan ê hemrayanê ma dewam kena. Pê na hemleye xeylêk planê dişmenî ameyî pûçkerdene û derbeyê girdî dîyayî dişmenî ro. Pawitoxê xeta fedayîtîye hemrayê ma Amargî, Zîne, Arjîne û Ozgur pê têkoşînê xo yê vera dişmenî bîyî temsîlkarê xeta Apoyîyî û ruh da têkoşînê ke Metîna ra heta Avaşînî yeno kerdene. Ma do têkoşînê hemrayanê xo yê qehremanan ser bifînê. Wa sereyê keyeyê hemrayanê ma yê fedayîyan Amargî, Zîne, Arjîne û Ozgurî û şarê welatperwerî yê Kurdistanî weş bo.
Nasnameyê hemrayanê ma yê şehîdan wina yê:
Nameyê Qodî: Amargî Şervan Egîd
Name û Peyname: Buşra Muhammed
Cayê Bîyayîşî: Tirbespiyê
Maye-Pî: Ceyda – Abid
Tarîx û Cayê Şehadetî: 31ê Gulana 2022yî / Zap
Nameyê Qodî: Zîne Doga
Name û Peyname: Nure Hisên Silêman
Cayê Bîyayîşî: Qamişlo
Maye-Pî: Resmiya – Hisên
Tarîx û Cayê Şehadetî: 29ê Gulana 2022yî / Zap
Nameyê Qodî: Arjîn Êrîş Eruh
Name û Peyname: Burcu Durmuş
Cayê Bîyayîşî: Mersîn
Maye-Pî: Kiymete – Kerim
Tarîx û Cayê Şehadetî: 18ê Tebaxa 2022î/ Metîna
Nameyê Qodî: Ozgur Dîcle
Name û Peyname: Hasan Biter
Cayê Bîyayîşî: Şirnex
Maye-Pî: Zeynepe – Suleyman
Tarîx û Cayê Şehadetî: 18ê Tebaxa 2022î/ Metîna
Hemraya ma Amargî bajarê Tirbesipîyê yê Rojawanê Kurdistanî de yena dinya û pê Şorişê Azadîye yê Rojawanî partîya ma û felsefeya Rayber Apoyî nas kena. 2017 de verê xo dana koyanê azadan û tewrê sefanê gerîlayan bena. Hema destpêkerdişê gerîlatîye de wezîfeyê fermandarîye gena û 2018 de seba ke cepheyê şerê germinî de ca bigêro verê xo dana Heftanînî. Tîya pîya bi hemrayanê xo yê cinîyan Akademîya Operasyonî ya Rojîne Gewda de perwerdeyê leşkerî gena. Sey gerîlaya serkewtîye ya YJA Starî tewrê xeylêk çalakîyanê serkewteyan bena û dima ra tewrê xebatanê Hêzanê Taybetan bena.
Hemraya ma Zîne bajarê Qamişloyî yê Rojawanê Kurdistanî de yena dinya û keyeyêkê welatperwerî de bena pîl. Hema qictîya xo de PKKyî nas kena û xebatanê Şorişê Azadîye yê Rojawanî de ca gena. 2015 de gama ke vera çeteyan şero pîl yeno kerdene de tewrê sefanê YPJyî bena ke destanê qehremanîye nuseno.
Xeylêk hemleyan de ca gena û rixmo ke zaf rey birîndare bena qerardarîya têkoşînî ra çîyêk vînî nêkena. Hemraya ma Zîne tewr peynî de verê xo dana koyanê Kurdistanî û tewrê sefanê gerîlayan bena. Dima ra tewrê Hêzanê Taybetan bena.
Hemrayê ma Arjîne qezaya Dihê ya Sêrtî ra ya û seba ke rîyê zextê dişmenî ra keyeyê ci bar keno şino Mersin, uca yena dinya. Metropolanê tirkan de bibo pîl zî çirey eslê xo vînî nêkena û kultur û ercanê Kurdistanî ra nêqilîyena ra. Polîtîkaya qirkere ya dişmenî ya vera kurdan rê nizdî ra şahîde kena û her roje hêrsê ci zêdîyeno. Hemraya ma Arjîne wextê hêrişê DAIŞî de şina Rojawanê Kurdistanî de tewrê şerî bena. Têkoşînê Kobanê de mewzî ra vaz dana mewzîya bîne. Biranşê weşîye de perwerde vînena û warê têkoşînî de hem sey fermandarêke hem zî sey wezîfedara weşîye rolanê muhîman ana ca. Bado ke wezîfeyê xo bi serewktişî ana ca verê xo dana koyanê Kurdistanî û xeyalanê xo yê qictîye ana ca.
Hemrayê ma Ozgur Cizîra Botan de yeno dinya û bi kulturê welatperwerîye beno pîl. Tewrê xebatanê ciwanan beno û sey serkêşê ciwanan keda pîle dano. Tewrê çalakîyanê vera komployî beno 13 aşmî zîndan de maneno. 2009 de gama ke semedê pîrozkerdişê rojbîyayîşê Rayberîye şino dewa Amara tîya raştê hêrişê dişmenî yeno û şehadetê di embazanê xo rê şahîdîye keno. Nê semedî ra serhildano ke bi rojan Cizîre de yeno kerdene mîyan ci de ca geno û sozê qesasê embazanê xo dano. Badê çalakîyan sey esîrî kewno destê dişmenî û 2 serrî zîndan de maneno.
2011 de gama ke zîndan ra vejîyeno cade verê xo dano koyanê Kurdistanî. Perwerdeyê xo yê verênî Metîna de vîneno û tewrê pratîkî beno. Dima ra mewzîyanê têkişînî de ca geno vera çeteyanê DAIŞî şer keno. Di rey bi giranî birîndar beno la cade derbanê xo pêşeno û reyna tewrê têkoşînî beno. Wexto ke Vakurê Kurdistanî de Têkoşînê Xoîdarekerdişî dest pêkeno verê xo danê Botanî û dima ra agêreno Herêmanê Pawitişî yê Medya. Akademîya Hakî Karerî de perwede vîneno û ravêrno Metîna.” BEHDÎNAN
