Merkezê Îrtîbatî û Çapemenîye yê HPGyî bi eşkerayîyêke nasnameyê 5 şehîdan eşkera kerdî. Eşkerayîye wina ya:
“Têkoşînê Azadîye yê Kurdistanî yo ke bi destanê qehremanan û bi bedelan pîlan heta ewro resayo, rixmê pêro hêrişanê dişmenî zî rayraşîyayîşê xo yê azadîye rê dewam keno. Hêrişê dewleta tirke ya îşxalkere vera têkoşînê azadîye yê şarê ma hetê fedakarî û tewirê fedayî yê embazanê ma yê şehîdan ra yenê pûçkerdene. Hêrişanê îşxalî yê artêşa tirke ya kolonyalîste de 2016 de, Herêmanê Pawitişî yê Medya de embazanê ma Alî, Reşît, Berxwedan, Canfeda û Sîrwanî serkêşîya xoverdayîşê azadîye yê fîrazî kerde û tarîxê azadîye de cayê xo girewt.
Sere de keyeyanê şehîdanê ma yê ercîyayeyan rê ma pêro şarê welatperwerî yê Kurdistanî rê serweşîye wazenê.
Nasnameyê embazanê ma yê şehîdan wina yê:
Nameyê Qodî: Alî Şêr
Name û Peyname: Hamdullah Aba
Cayê Bîyayîşî: Mêrdîn
Maye-Pî: Ayşe – Îbrahim
Tarîx û Cayê Şehadetî: 2016 / Herêmê Pawitişî yê Medya
Nameyê Qodî: Reşît Cûdî
Name û Peyname: Ridvan Bayar
Cayê Bîyayîşî: Şirnex
Maye-Pî: Fatma – Metin
Tarîx û Cayê Şehadetî: 2016 / Herêmê Pawitişî yê Medya
Nameyê Qodî: Berxwedan Amed
Name û Peyname: Firat Can Arslan
Cayê Bîyayîşî: Amed
Maye-Pî: Yildize – Edîp
Tarîx û Cayê Şehadetî: 2016 / Herêmê Pawitişî yê Medya
Nameyê Qodî: Canfeda Bismil
Name û Peyname: Ferhat Saruhan
Cayê Bîyayîşî: Amed
Maye-Pî: Kadere– Askerî
Tarîx û Cayê Şehadetî: 2016 / Herêmê Pawitişî yê Medya
Nameyê Qodî: Sîrwan Dalaho
Name û Peyname: Ferşad Heyderî
Cayê Bîyayîşî: Kirmanşah
Maye-Pî: Murevete– Cîhangîr
Tarîx û Cayê Şehadetî: 2016 / Herêmê Pawitişî yê Medya
Embaz Alî Mêrdîn de dadîya xo ra beno. O verî xebatanê ciwanan de cagêno û 2014 de verê xo dano koyan.O mîyanê cuya gerîlatîye de xo vîneno û bi coşî tewrê xebatan beno. Embaz Alî verî Avaşîn de têkoşîn keno û dima derbazê Zapî beno. Embaz Alî heta şehadetê xo bi coşê ciwanîya xo dişmenî rê hêrsê xo mojneno û tewirê xo ra tawîzêk zî nêdano.
Embaz Reşît Silopî de dadîya xo ra beno. O cigêrayîşan ra pey, bi hêrsê vera dişmenî serra 2014î de verê xo dano koyan. O waranê tewr zehmetan ê Zagrosan de têkoşîn keno û bi kedêka pîle pêro erkanê xo bêkêmasî ano ca. O beno layîqê nameyê xo, xoverdayîşêkê nimûneyî keno. Jîhatî û xoverdayîşê embaz Reşîtî tim ma rê bibo fermanê serkewtişî.
Embaz Berxwedan Amed de dadîya xo ra beno. O verî xebatanê ciwanan de cagêno dima zî pê hîsê qesasî tewrê gerîlayan beno. O mîyanê gerîlatîye de tim xo derheqê felsefeya Rayber Apoyî de aver beno û Avaşîn de tewrê xeylêk çalakîyanê zixman û serkewteyan beno. Embaz Berxwedan beno wayîrê tewrbîyayîşêkê xurtî û bi nê hawayî embazanê xo rê zî beno mîsal.
Enbaz Canfeda Amed de dadîya xo ra beno. O verî xebatanê ciwanan de cagêno û dima zî 2015 de Amedî ra verê xo dano koyan. Embaz Canfeda dima derbazê Herêmanê Pawitişî yê Medya beno û tîya de perwerde vîneno. O tim xo rê Apogîrîye esas keno û beno milîtanêko marîfetîn. Embaz Canfeda Cîlo de karwanê şehîdanê bêmergan beno.
Embaz Sîrwan şaristanê Kirmanşahî yê Rojhelatê Kurdistanî de dadîya xo ra beno. Embaz Sîrwan seba ke qesasê zulmê vera kurdan bigêro bi qerardarî tewrê gerîlayan beno. O mîyanê gerîlayan de averşîyayîş xo rê keno esas û pêro erkanê xo bêkêmasî ano ca. Embaz Sîrwan Zap de pêkewtişê vera dişmenî de bi qehremanî şehîd beno.” BEHDÎNAN
