HPGyî nasnameyê 5 şehîdan eşkera kerdî

Merkezê Îrtîbatî û Çapemenîye yê HPGyî bi eşkerayîyêke nasnameyê 5 şehîdan eşkera kerdî. Eşkerayîye wina ya:

”2018 serrêka winayêne bîye ke tede bi fedakarîya pîle, kedêla bêhempa û îradeyê Apogîran têkoşînêko çetin ame kerdene. Na serre de dişmenî waşt ke tasfîyeya mutlaqe bikero la embazanê ma seba ke cewabê hêrişanê dişmenî bidê û hêvîya azadîye ya şarê ma gandar bitepişo bi hawayêkê xurtî xo ver da û şehîd bîyî. Embazanê ma Cigerxwîn, Çarçel, Dilgeş, Şervan û Brûskî zî rayraşîyayîşê azadîye yê fîrazî de heta nefesê peyênî Apogîrîye de israr kerd, waşt cewab bidê hêvîya azadîye ya şarî û şehîd bîyî.

Ma sere de keyeyanê înan ê ercîyayeyan rê pêro şarê welatperwerîye yê Kurdistanî rê serweşîye wazenê.

Embaz Cîgerxwîn şaristanê Merîwanî yê Rojhelatê Kurdîstanî de dadîya xo ra beno. Embaz Cîgerxwîn ciwanîya xo de keweno peyê cigêrayîşan û 2011 de netîceya nînan de tewrê gerîlayan beno. Embaz Cîgerxwîn tim xîret keno ke xo aver bero û cewab bido waştişanê şarê xo. Embaz Cîgerxwîn vera hêrişanê îşxalî yê artêşa tirke mesuldarîyêka pîle gêno xo milî û perspektîfê têkoşînî xo rê keno esas.

Embaz Çarçel Şemzînan de dadîya xo ra beno. O verî xebatanê ciwanan de cagêno û seba ney unîversîte caverdeno. Embaz Çarçel Qirkerdişê Parisî ra dima 2013 de Amedî ra tewrê gerîlayan beno. O perwerdeyan ra dima derbazê Herêmanê Pawitişî yê Medya beno. Embaz Çarçel beno gerîlayêko marîfetîn û çalakîyan de tewr vernî de cagêno. Şehadetê embaz Çarçelî ma rê bîyo sebebê berzkerdişê têkoşînî.

Embaz Dilgeş Qers de dadîya xo ra beno. Embaz Dilgeş di reyî wazeno tewrê têkoşînê azadîye bibo la tay sebeban ra nêeşkeno. O 2014 de bi qerardarî tewrê gerîlayan beno. Embaz Dilgeş Avaşîn de perwerdeyê verênî vîneno û tîya de vera îşxalkeran şerêkê pîlî keno. Embaz Dilgeş xeylêk cayanê Avaşînî de kedêka pîle dano û serkêşîye keno. O peyê xo de mîrasêkê pîlî yê xoverdayîşî verdeno.

Embaz Şervan Êlih de dadîya xo ra beno. O verî tewrê xebatanê ciwanan beno û çend reyî yeno destbendkerdene. Embaz Şervan dima tewrê gerîlayan beno. Embaz Şervan tim giranîye dano perwerdeyan û xo aver beno. Embaz Şervan pê embazîya xo beno mazharê heskerdiş û hûrmetê embazanê xo. O pê kîn û hêrsî verê dişmenî de têgêreno. Ma şexsê ey de soz danê pêro şehîdan ke wayîrê mîrasê înan vejîyê.

Embaz Brûsk Êlih de dadîya xo ra beno. Embaz Brûsk zî ciwanîya xo de keweno mîyanê cigêrayîşan û netîceya nê cigêrayîşan de 2014 de verê xo dano koyanê azadan. O Gabar de dest pê gerîlatîye keno û dima ke xo aver beno derbazê Herêmanê Pawitişî yê Medya beno. O pêro erk û mesuldarîyanê xo bêkêmasî ano ca. Embaz Şervan esasê azadîya Rayberîye ser o şer keno. O heta şehadetê xo bi qerardarî dewam keno û ma rê mîrasêkê pîlî verdeno.”

Nasnameyê embazanê ma yê şehîdan wina yê:

Nameyê Qodî: Cîgerxwîn Şaho

Name û Peyname: Kerim Kerimpur

Cayê Bîyayîşî: Merîvan

Maye-Pî: Selma – Weysî