Merkezê Îrtîbatî û Çapemenîye yê HPGyî bi eşkerayîyêke nasnameyê 5 şehîdan pare kerdî. Eşkerayîye wina ya:
”Milîtananê serkêşan ê partîya ma ra embazê ma Denîz, Rodî, Dilêr, Cabfeda û Adîl tarîx û cayanê cîyayan de hêrişê dişmenî de şehîd bîyî. Embazê ma Denîz, Rodî, Dilêr, Cabfeda û Adîl sey milîtananê serkêşan û fermandaranê nimûneyan tim do mîyanê têkoşînê ma de biciwîyê. Tewirê înan ê fedayî, tewrbîyayîşê înan ê bêhesabî, îradeyê înan ê xurtî û ruhê înan ê fedayîyî ma rê rayîrê têkoşînê raştikênî mojna. Ma do rêçê nê fermandaranê xo yê fedayîyan de şorê, ruhê înan ê Apogîrî her warê cuya xo de hakîm bikerê, vîrameyîşanê înan û armancanê înan ser bivisnê.
Ma sere de keyeyanê şehîdanê xo yê ercîyayeyan rê, pêro şarê Kurdîstanî yê welatperwerî rê serweşîye wazenê.
Embaz Denîz Êlih de dadîya xo ra beno. O zanîngeh de tewrê xebatanê ciwanan beno û şehadetê embazê xo ra dima 2010 de tewrê gerîlayan beno. Embaz Denîz Hêzanê Taybetan de cagêno. O Zap, Zagrosan û Metîna zî tede xeylêk cayan de têkoşîn keno û beno fermandarêko marîfetîn. Embaz Denîz her cayê têkoşînî de serkêşîya embazanê xo keno û bi ruhê şorişgêrî vera dişmenî çalakîyanê serkewteyan keno.
Embaz Rodî Colemêrg de dadîya xo ra beno. Embaz Rodî zanîngeh de tewrê xebatanê ciwanan beno. Dima 2014 de Heftanîn de tewrê gerîlayan beno. Embaz Rodî Hêzanê Taybetan de cagêno, bi kedêka bêhempa cuya xo pê têkoşînî girê dano. Embaz Rodî bi taybetî warê zanist û teknîkî de xo aver beno û pê marîfetê xo yê şerî zî beno fermandar. Embaz Rodî tim xeta şehîdan de rayîr şino, têkoşînê milîtanîya Apogîre bi layîqî ano ca.
Embaz Dilêr şaristanê Merîwanî yê Rojhelatê Kurdîstanî de dadîya xo ra beno. Embaz Dilêro ke muhendîsê jeolojî bîyo, Rojhelat de gerîlayan rê milîsîye keno, hetê rejîmê Îranî ra 2009 de tepişîyeno. Embaz Dilêr dima ke zîndanî ra vejîya verê xo dano Ewropa û uca ra zî tewrê gerîlayan beno. O Hêzanê Taybetan de cagêno, hetê gerîlatî û şerwanîya Apogîre ra xo aver beno. Embaz Dilêr pê vengê xo yê weşî tim moral dano embazanê xo.
Embaz Canfeda keyeyê şirnexijî de Wan de dadîya xo ra beno. O hêverî xebatanê ciwanan de cagêno û 2015 de bi qerardarî verê xo dano koyan, beno gerîla. Embaz Canfeda dima teerê Hêzanê Taybetan beno. Embaz Canfeda tim keno ke xo aber bero, pêro erk û mesuldarîyanê xo bêkêmasî bîyaro ca. Embaz Canfeda rolê xo yê serkêşîye bi serkewtişî kay keno. O do tim embazanê ma rê bibo nimûneyêkê fedayîtîye.
Embaz Adîl şaristanê Mûsilî yê Başûrê Kurdîstanî de dadîya xo ra beno. Embaz Adil wextê hêrişanê DAÎŞî de beno şahidê xoverdayîşê grîlayan û 2016 de zanîngehî ra verê xo dano koyan. O di serran Qendîl de şer keno û dima tewrê Hêzanê Taybetan beno. Embaz Adîl bi kesayetê xo beno mazharê heskerdişê embazanê xo. O heta şehadetê xo xeta şehîdan û Rayber Apoyî de têkoşîn keno.”
Nasnameyê embazanê ma yê şehîdan wina yê:
 |
Nameyê Qodî: Denîz Batman
Name û Peyname: Tekîn Okan Cayê Bîyayîşî: Êlih Maye-Pî: Hazîme–Hayrettîn Tarîx û Cayê Şehadetî: Teşrîna Peyêne ya 2021î / Herêmê Pawitişî yê Medya |
 |
Nameyê Qodî: Rodî Berçem
Name û Peyname: Emrecan Şahin Cayê Bîyayîşî: Colemêrg Maye-Pî: Sabiha – Kadîr Tarîx û Cayê Şehadetî: Teşrîna Peyêne ya 2021î / Herêmê Pawitişî yê Medya |
 |
Nameyê Qodî: Dilêr Derwêş
Name û Peyname: Dilêr Ruzgart Cayê Bîyayîşî: Merîvan Maye-Pî: Gulbaxe–Muhammed Emîn Tarîx û Cayê Şehadetî: Teşrîna Peyêne ya 2021î / Herêmê Pawitişî yê Medya |
 |
Nameyê Qodî: Canfeda Raperîn
Name û Peyname: Savaş Abo Cayê Bîyayîşî: Wan Maye-Pî: Xoxê–Xanî Tarîx û Cayê Şehadetî: Teşrîna Peyêne ya 2021î / Herêmê Pawitişî yê Medya |
 |
Nameyê Qodî: Adil Erdal
Name û Peyname: Omer Nezar Cayê Bîyayîşî: Musil Maye-Pi: Sindize–Nezar Tarîx û Cayê Şehadetî: Teşrîna Peyêne ya 2021î / Herêmê Pawitişî yê Medya |
