Merkezê Îrtîbatî û Çapemenîye yê HPGyî bi eşkerayîyêke nasnameyê 6 şehîdan eşkera kerdî. Eşkerayîye wina ya:
“Dewleta tirke ya îşxalkere bi Planê Çokdayîşî waşt ke sîyasetê xo yê qirkerdişî vera şarê ma ser bivisna û şarê ma qetil bikera. Dewlete 2015 ra nata bêmabên hêrişê gerîlayanê azadîye kena. Gerîlayê azadîye vera nê hêrişan bi hawayêkê bêhempayî xo ver danê. Gerîlayan bi xoverdayîşê xo yê Herêmanê Pawitişî yê Medya ra heta Vakurê Kurdistanî mojna ke ê do sîyasetê qirkerdişî yê dişmenî çin bikerê. Nê prosesî de zaf embazanê ma derbê giranî dayî dişmenî ro. Embazanê ma Mervan, Partîzan, Şervan, Rizgar, Şerger û Cotkarî zî Herêmanê Pawitişî yê Medya de xoverdayîşo destanwarî kerd û wezîfeyê xo bi serkewtişî ardî ca. Nê embazê ma yê ercîyayeyî bi bawerî û perwerîya xo ya Rayber Apoyî û xeta azadîye ya şehîdan bîyî milîtanê nimûneyî. Ma nê embazanê xo serrgêra şehadetê înan de reyna bi rêzdarî û minetî yad kenê, reyna soz danê ke xoverdayîşo ke înan bi fedayîtî afernayo bi serkewtişî tacîdar bikerê.
Nasnameyê embazanê ma yê şehîdan wina yê:
Nameyê Qodî: Mervan Xaçort
Name û Peyname: Kadîrcan Aşan
Cayê Bîyayîşî: Wan
Maye-Pî: Zeynepe-Suat
Tarîx û Cayê Şehadetî: 2016/Herêmê Pawitişî yê Medya
Nameyê Qodî: Partîzan Sarya Gul
Name û Peyname: Faruk Tatli
Cayê Bîyayîşî: Amed
Maye-Pî: Merale-Tarik
Tarîx û Cayê Şehadetî: 2016/Herêmê Pawitişî yê Medya
Nameyê Qodî: Şervan Egîd
Name û Peyname: Înan Kizilyol
Cayê Bîyayîşî: Bêdlîs
Maye-Pî: Suzane-Ebûbekir
Tarîx û Cayê Şehadetî: 2016/Herêmê Pawitişî yê Medya
Nameyê Qodî: Rizgar Şirnex
Name û Peyname: Huseyîn Belge
Cayê Bîyayîşî: Şirnex
Maye-Pî: Hatîce-Celal
Tarîx û Cayê Şehadetî: 2016/Herêmê Pawitişî yê Medya
Nameyê Qodî: Şerger Çiya
Name û Peyname: Ramazan Derîcî
Cayê Bîyayîşî: Mûş
Maye-Pî: Gulîstan-Fesîh
Tarîx û Cayê Şehadetî: 2016/Herêmê Pawitişî yê Medya
Nameyê Qodî: Cotkar Amed
Name û Peyname: Şeyhmus Altundal
Cayê Bîyayîşî: Amed
Maye-Pî: Yaşar-Osman
Tarîx û Cayê Şehadetî: 2016/Herêmê Pawitişî yê Medya
Embaz Mervan keyeyêkê welatperwerî de dadîya xo ra beno. O verî xebatanê ciwanan de cagêno dima tepişîyeno. Wexto ke zîndanî ra vejîyeno 2014 de tewrê gerîlayan beno. O Zagrosan de têkoşînêkê pîlî keno û pêro wezîfeyanê xo bêkêmasî ano ca. Tewirê ey o fedayî tim ma rê bibo çimeyê îlhamî.
Embaz Partîzan Amed de dadîya xo ra beno. O verî xebatanê ciwanan de cagêno dima tepişîyeno. Wexto ke zîndanî ra vejîyeno zî verê xo dano koyan. O mîyanê gerîlatîye de tim xo rê xeta Apogîre keno esas û têkoşînêkê bêmabênî ano ca. O pê kesayetê xo yê kedkar, zerrînizm û perwerî zî vîrê embazanê xo de cagêno.
Embaz Şervan Norşînê Bedlîsî de dadîya xo ra beno. O 2015 de xeyalê xo ano ca û tewrê gerîlayan beno. O cade adapteyê gerîlatîye û koyan beno û tim keno ke xo hîna zaf aver bero. Embaz Şervan Zagrosan de dest pê gerîlatîye keno û beno namzetê fermandarêkê marîfetînî. O şertanê zehmetan de zî tim embazanê xo rê beno çimeyê moral û hêzî.
Embaz Rizgar Şirnex de dadîya xo ra beno. O verî xebatanê ciwanan de cayê xo gêno û 2014 de zî verê xo dano koyan, beno gerîla. Embaz Rizgar sey ewladêkê Botanî pê têkoşînê xo tim beno layîqê şarê xo û her ca de milîtanîyêka serkewte ano ca. O heta şehadetê xo bi qehremanî xo ver dano û xo şarê xo rê keno feda.
Embaz Şerger Mûş de dadîya xo ra beno. Şehadetê apê xo ra dima o pê hîsê qesasî bi qerardarî tewrê gerîlayan beno. Embaz Şerger bi coşî tewrê xebatan beno û tarîxê xoverdayîşê kurdan xo rê keno esas û goreyê ney têkoşîn keno. Embaz Şerger sey milîtanêkê Apogîrî pêro wezîfeyanê xo ano ca, heta nefesê peyênî şer keno û tewrê karwanê şehîdan beno.
Embaz Cotkar Amed de dadîya xo ra beno. Dima ke waka ci tewra gerîlayan bena o zî xeyalê xo yê domanîye ano ca û verê xo dano koyan. O Herêmanê Pawitişî yê Medya de bi coş û kelecanî gerîlatîye keno û tim xo aver beno. Embaz Cotkaro ke binê tesîrê embazîya PKKyî de maneno, tim wazeno bibo embazêko baş û layîqê têkoşînê şehîdan û Rayber Apoyî bibo.
Ma sere de keyeyanê înan ê ercîyayeyan rê pêro şarê welatperwerî yê Kurdistanî rê serweşîye wazenê.” BEHDÎNAN
