Merkezê Îrtîbatî û Çapemenîye yê HPGyî (HPG-BÎM) bi eşkerayîyêke da zanayene ke menganê temmuze û hezîrane de herêma Zapî de çar gerîlayî şehîd bîyê.
Eşkerayîye wina ya:
“Gerîlayanê azadîye yê Kurdistanî vera hêrişanê dişmenî bedelê ci se beno wa bibo tim erkê xo yê pawitişê şarî ard ca. Gerîlayan vera hêrişanê barbaran ê dişmenî qetî apey gamêke nêeşte, tim pê newekerdişê xo têkoşîn pîl kerd û hêvîya şarê ma tim ganî verdaye. Destpêkê hêrişanê 14ê nîsana 2022î ra dima zî gerîlayan Zap, Avaşîn û Metîna vurnayî warê xoverdayîşî, taktîkê ferîlayan têzereyî şuxilnayî û derbê giranî dayî dişmenî ro. Pê operasyonanê şorişgêran ê tîmanê hereketînan raştîya leşkeranê tirkan vejîyaye werte, mewzîyê xoverdayîşî bîyî kelaya xoverdayîşî. Embazanê ma Goksuye, Avente, Tolhildan û Dilsoz zî serkêşîya xoverdayîşê vera hêrişanê îşxalî kerde. Nê embazê ma bi xoverdayîş û têkoşînê xo yê xeta Zîlane, bîyî milîtanê mîsalî.
Nê embazanê ma amadekerdişê mewzîyanê xoverdayîşî ra heta averberdişê şerê tîmanê hereketînan her safhaya têkoşînî de bi fedakarî cagirewt û kesayetê kedkarî temsîl kerdî. Ma soz danê ke pê perwerîya vîrameyîşê înan têkoşînî berz bikerê.
Nasnameyê embazanê ma yê şehîdan wina yê:
Nameyê Qodî: Goksu Avesta
Name û Peyname: Nûcan Durak
Cayê Bîyayîşî: Şirnex
Maye-Pî: Nazlîye – Haşim
Tarîx û Cayê Şehadetî: 4ê Temmuza 2022î / Zap
Nameyê Qodî: Avent Andok
Name û Peyname: Medîne Mustafa
Cayê Bîyayîşî: Efrîn
Maye-Pî: Fatma – Alî
Tarîx û Cayê Şehadetî: 4ê Temmuza 2022î / Zap
Nameyê Qodî: Tolhildan Tîrêj
Name û Peyname: Serhat Aksoy
Cayê Bîyayîşî: Stenbol
Maye-Pî: Emîne – Mehmet Selîm
Tarîx û Cayê Şehadetî: 4ê Temmuza 2022î / Zap
Nameyê Qodî: Dilsoz Serhed Giravî
Name û Peyname: Mihemed Elîko
Cayê Bîyayîşî: Efrîn
Maye-Pî: Ayşe – Mihemed
Tarîx û Cayê Şehadetî: 1ê Hezîrana 2022î / Zap
Embaze Goksuye Şirnex de dadîya xo ra bena. Embaze Goksuye hema domanîya xo de PKK şinasnena. A wexto ke ODTU de wendêne 2014 de xeyalê xo ana ca û tewra gerîlayan bena. A verî Cûdî de gerîlatîye kena. Embaze Goksuye Botan de binê serkêşîya embazanê qehremanan de perwerde vînena. Embaze Goksuye vera DAIŞî zî têkoşîn kena û rixmo ke 2 reyî birîndar bena şerî ra fek vera nêdana. A tim sey milîtanêka YJA-Starî erkanê xo ana ca. A mîyanê Hêzanê Taybetan de zî cagêna. Embaze Goksuye Zap de bena serkêşanê Hemleya Şorişgêre ya Şehîd Savaş Maraşî ya Cengê Xabûrî ra yewe û Girê Hekarî û Girê Amedîyê de xeylêk çalakîyanê serkewteyan de cagêna.
Embaze Avent Efrîn de dadîya xo ra bena. A pê Şorişê Rojawanî binê tesîrê têgêrayîşê azadîye de manena, 2013 de tewra Şorişê Rojawanî bena û 2016 de zî verê xo dana koyan, bena gerîla. Embaze Avente cade cuya gerîlayan musena û bi coşî tewra xebetan bena. A dima Hêzanê Taybetan de cagêna. A Zap de xoverdayîşêkê pîlî kena. Hemleya Şorişgêre ya Cengê Xabûrî de cagêna û taktîkanê gerîlayan bi westatî ana ca. A qetî xeta PKK û PAJKî ra fek vera nêdana, rêçê Zîlane de şina û pê milîtanîya xo bena layîqa Rayber Apoyî.
Embaz Tolhildan keyeyêkê mêrdînijî de Stenbol de dadîya xo ra beno. Embaz Tolhildan 2015 de Ewropa de tewrê xebatanê ciwanan beno û PKK hîna nêzdî ra şinasneno. O 2017 de tewrê têkoşînî beno, sere de Ewropa xeylêk cayan de xebatan keno û dima verê xo dano koyan. O Hêzanê Taybetan de cagêno. Embaz Tolhildan Hemleya Şorişgêre ya Cengê Xabûrî de cagêno pêro wezîfeyanê xo ano ca. O tim xeta şehîdan de têkoşînê xo keno û derbanê hiranan dano diimenî ro.
Embaz Dilsoz Efrîn de dadîya xo ra beno. O verî Şorişê Rojawan de tewrê xebatanê ciwanan beno. O 2018 de îşxalê Efrînî ra dima bi hîsê qesasî tewrê gerîlayan beno. Embaz Dilsoz cade gerîlatîye rê adapte beno û xebatan de tewr vernî de cagêno. Embaz Dilsoz Zap de mîyanê Hêzanê Taybetan de cagêno û tim xo aver beno. O hêrişan de Warê Xoverdayîşî yê Girê Cûdîyî de serkêşîya xoverdayîşî keno û derbanê giranan dano dişmenî ro. O 1ê hezîrane de hêrişê dişmenî de şehîd beno. Ma soz danê ke têkoşînê ey biresnê serfîrazîye.
Ma sere de keyeyanê înan ê ercîyayeyan rê pêro şarê welatperwerî yê Kurdistanî rê serweşîye wazenê.” BEHDÎNAN
