Merkezê Îrtîbatî û Çapemenîye yê HPGyî nasnameyê di şehîdanê Xakurkê eşkera kerdî.
Eşkerayîye wina ya:
”Embazê ma Denîze û Rustem 7ê kanûna 2021î de Xakurkê de hêrişê dişmenî de şehîd bîyî.
Embazê ma Denîze û Rûstem bi tewirê xo her warî de bîyî nimûne, înan tim waşt ke cepheyanê şerê giranî de vernî de caabigêrê. Wird embazanê ma heta nefesê xo yê peyênî bi hişmendîyêka pîle û perwerîyêka xorine têkoşîn kerd û peyê xo de mîrasê têkoşînêkê pîlî verda.
Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê. Ma soz danê ke têkoşînê embazanê xo yê şehîdan rê dewam bikerê.
Nasnameyê embazanê ma yê şehîdan wina yê:
 |
Nameyê Qodî: Denîz Aras Kobanê
Name û Peyname: Necla Adil Buzî Cayê Bîyayîşî: Kobanê Maye-Pî: Xezale– Adil Tarîx û Cayê Şehadetî: 7ê Kanûna 2021î / Xakurkê |
 |
Nameyê Qodî: Rustem Cûdî
Name û Peyname: Apo Aşkan Cayê Bîyayîşî: Colemerg Maye-Pî: Cazîye – Recep Tarîx û Cayê Şehadetî: 7ê Kanûna 2021î / Xakurkê |
Embaza ma Denîze Kobanê de dadîya xo ra bena. A wextê hêrişanê DAÎŞî de tewra têkoşînî bena. Dima seba pîlkerdişê têkoşînî verê xo dana koyan, bena gerîla. Embaze Denîze Xakurkê de temsîlîya cinîya azade kena û her hetî ra xo aver bena. Embaze Denîze tim bi hişmendîya xeta fedayîtîye têgêrena. A xeylêk waranê Xakurkê de têkoşîn kena, tewra her xebate bena û bena gerîlayêka YJA-Starî ya marîfetîne. Ma soz danê ke seba ke bibê layîqê şehîdanê xo ala aye ya têkoşînî ser bivisnê.
Embaz Rustem Colemêrg de dadîya xo ra beno. Embaz Rustemo ke bîyo şahîdê rîyê dewleta faşîste bi qerardarîyêka tûje 2014 de verê xo dano koyan. O Heftanîn de perwerde vîneno, 2015 de Akademîya Şehîd Mahîrî de perwerdeyê çekanê giranan gêno. Embaz Rustem cayanê cîyayanê Xakurkê de têkoşîn keno û xo rê tim xeta Fermandaranê Pîlan Egîdî û Zîlane keno esas. O tim keno ke qesasê embazanê ma yê şehîdan bigêro û nê krîterî xo rê keno esas. Embaz Rûstem heta nefesê xo yê peyênî xeta PKKyî ra tawîz nêdano.’
