Merkezê Îrtîbatî û Çapemenîye yê HPGyî nasnameyê di şehîdanê Besta eşkera kerdî. Eşkerayîye wina ya:
“14ê gulana 2023yî de herêma Besta ya Şirnexî de warê Çemkê Tehlo û Serê Ormanî de bingeyê agahîyanê ke hemkar û xayînan dayê artêşa îşxalkere operasyonêk kerd. Artêşa îşxalkere pê 8 teyarayan, 2 helîkopteran û kontrayan pêser hêriş kerd, kerd ke embazanê ma bigêra binê ablûqa û di rojan war da bombayan ver. 16ê gulane de embaz Bawer Med û Rênçber Girava bi tesîrî da dişmenî ro. Artêşa tirke tîya de kişteyî dayî, dima pê çekanê kîmyewîyan war da bombayan ver. Embaz Bawer û Rênçberî di rojan bi destanwarî şer kerd û şehîd bîyî. Artêşa tirke kişteyê xo nimitî û îtîraf kerd ke teyna 4 leşker û 1 kontrayê ci merdê. La goreyê hêzanê ma artêşa tirke 17 kişteyî dayê.
Artêşa îşxalkere 17ê gulane de operasyon ver bi Serê Ormanî kerd hîra. Tîya de mabênê hêzanê ma û artêşa tirke de pêkewtişî qewimîyayî. Pêkewtişan de fermandarê ma yê serkêşî û embazê ma Rençbêr û Şerger şehîd bîyî.
Ma sere de keyeyanê embaz Şerger û Rênçberî yê ercîyayeyan rê, pêro şarê Kurdîstanî yê welatperwerî rê serweşîye wazenê.
Embaz Şerger mîyanê eşîra Cafî ya Başûrê Kurdîstanî de dadîya xo ra beno. Embaz Şerger zanîngeh de beno wendekarêko serkewte, muzîk de eleqedar beno û tim bi welatperwerî têgêreno. Embaz Şerger dima ke têgêrayîşê ma şinasneno tewrê Komalanê Ciwanan beno û 2014 de zî Qendîl de tewrê gerîlayan beno. O Zagrosan de dest pê gerîlatîye keno, 2016 de Akademîya Partîye ya Mazlûm Doganî de perwerde vîneno û tim xo aver beno. 2016 de o derbazê Besta beno. 2016, 2017 û 2018 de Besta de embaz Şerger derbanê giranan dano dişmenî ro. 2019, 2020, 2021, 2022 û 2023 de zî embaz Şerger sey fermandarêkî bi hawayêkê bêmabênî têkoşîn keno. Embaz Şerger 17ê gulana 2023yî de bi qehremanî şer keno û beno şehîd.
Embaz Rênçber mîyanêkê keyeyêkê mêrdînijî de Şirnex de dadîya xo ra beno. Embaz Rênçbero ke merdimê Şehîde Zelale Botan bîyo raştîya dişmenî ciwanîya xo de şinasneno. 2014 de embaz Rênçber xeyalê xo ano ca û Cûdî de tewrê gerîlayan beno. Embaz Rênçber bi perwerdeyan xo aver beno. Embaz Rênçber wextêkê kilmî de beno fermandar. O ti mesuldarî û erkanê xo ano ca. Embaz Rênçber 2021 de derbazê Botanî beno. O çalakîyanê serkewteyan de derbanê pîlan dano dişmenî ro. Embaz Rênçber rêçê şehîdan de têkoşînêkê pîlî ano ca û beno şehîd. Vîrameyîşê ey do tim verê ma roşnî bikero.”
Nasnameyê embaz Şerger û Rênçberî wina yê:
 |
Nameyê Qodî: Şerger Caf
Name û Peyname: Servet Hesen Cayê Bîyayîşî: Kelar Maye-Pî: Rahna–Hesen Perec Tarîx û Cayê Şehadetî: 17ê Gulana 2023yî / Besta |
 |
Nameyê Qodî: Rênçber Gîvara
Name û Peyname: Hasan Ağırman Cayê Bîyayîşî: Şirnex Maye-Pî: Haznîye – Mahmut Tarîx û Cayê Şehadetî: 16ê Gulana 2023yî / Besta |
