Merkezê Îrtîbatî û Çapemenîye yê HPGyî bi eşkerayîyêke da zanayene ke di gerîlayê ci şehîd bîyê.
Eşkerayîye wina ya:
”Embaz Xemgîn û Abbas herêma Perwarî ya Sêrtî de serê wezîfeyê xo de 12ê teşrîna verêne ya 2022yî de dişmen de pêkewtî. Wirdî zî pê cesaretî vera dişmenî têgêrayî. Dişmen pê embazanê ma nêeşka û dest eşt teknîkê şerî yê giranî û pê teyarayanê şerî bi namerdî hêrişê embazanê ma kerd. Embazanê ma Abbas û Xemgînî heta nefesê xo yê peyênî milîtanîya fedayîye ra tawîz nêda û ê pîya şehîd bîyî.
Embazê ma Abbas û Xemgîn do tim bibê sebebê sereberzîye yê şarê Botanî û kurdî û do tim bibê mîsal û sembolê têkoşînê ma. Ma sere de keyeyanê înan ê ercîyayeyan rê, pêro şarê Kurdîstanî yê welatperwerî rê serweşîye wazenê.
Embaz Xemgîn dewa Hêşetî ya Perwarî de dadîya xo ra beno. Xoverdayîşê Zapî yê 2008î yê gerîlayan zaf tesîrê embaz Xemgînî keno û o bi qerardarî 2009 de tewrê gerîlayan beno. O Kato de perwerde bîneno û 8 serran Botan de têkoşîn keno. Embaz Xemgîn heta 2017î Kato de maneno û her cayê Katoyî hezber keno. O 2017 de derbazê Herêmanê Pawitişî yê Medya beno, Dibistana Merkezî ya Mazlum Doganî de perwerde vîneno û 2019 de sey fermandarî reyna verê xo dano Botanî. Embaz Xemgîn Botan de tim derbanê giranan dano dişmenî ro, tecrubeyanê xo embazanê xo de pare keno û bi qerardarî cewab dano hêrişanê dişmenî. Ma do vîrameyîşê embaz Xemgînî tim mîyanê têkoşînê xo de bipawê.
Embaz Abbas dewa Ewrexî ya Perwarî de dadîya xo ra beno. Embaz Abbaso ke kekê ci Îsa Îpek Gever de 1990 de, dezayê ci Omer 1988 de, kênaya apê ci Jîyane Herekol 2015 de Kobanê de, dezayê ci yo bîn Zinar 2015 de Kobanê de û kênaya xalê ci Serhildane 2020 de Herekol de şehîd bîyê, rayîrê şehîdan de şino û 2010 de Herekol de tewrê gerîlayan beno. O heta 2013yî Besta de têkoşîn keno û 2014 de Akademîsya Şehîd Îbrahîmî de perwerde vîneno. Embaz Abbas naye ra pey sey fermandarêkî 2014 de vera DAIŞî Kobanê de şer keno. Embaz Abbas dima 2018 de Akademîya Mezlûm Doganî de perwerde vîneno. O hem fermandarîya cepheyî hem zî fermandarîya tîme keno û 2018 de waştişê xo ser o derbazê Botanî beno. Embaz Abbas tim embazanê xo rê beno moral û bi fedakarî şer keno.
Embazanê ma Abbas û Xemgînî heta nefesê xo yê peyênî milîtanîya fedayîye ra tawîz nêda û ê pîya şehîd bîyî.”
Nasnameyê embazanê ma wina yê:
 |
Nameyê Qodî: Xemgîn Hêşetî
Name û Peyname: Îrfan Çagla Cayê Bîyayîşî: Sêrt Maye-Pî: Makbule–Ramazan Tarîx û Cayê Şehadetî: 12ê Teşrîna Verêne ya 2022yî / Botan |
 |
Nameyê Qodî: Abbas Herekol
Name û Peyname: Serhat Îpekten Cayê Bîyayîşî: Sêrt Anne – Baba Adı: Emîne – Halîl Tarîx û Cayê Şehadetî: 12ê Teşrîna Verêne ya 2022yî / Botan |
