Merkezê Îrtîbatî û Çapemenîye yê HPGyî nasnameyê di şehîdan eşkera kerdî. Eşkerayîye wina ya:
”Ma eşkerayîya xo ya 20ê teşrîna verêne de dabi eşnawitene ke 18 û 19ê teşrîna verêne de Warê Xoverdayîşî yê Kurojahroyî de mabênê hêzanê ma û artêşa tirke ya îşxalkere de pêkewtişê giranî qewimîyayê, nê pêkewtişan de 2 leşkerê payeberzî ameyê cezakerdene û 2 embazê ma zî bi şerêkê qehremanî şehîd bîyê.
Nê pêkewtişan de embazanê ma Jîndare Rûmet Meyaser û Zagros Bestayî bi cesaretê pîlî vera dişmenî şer kerd û ê şehîd bîyî. Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê.
Nasnameyê embazanê ma yê şehîdan wina yê:
 |
Nameyê Qodî: Jîndare Rûmet Meyaser
Name û Peyname: Berjîn Arşimet Cayê Bîyayîşî: Amed Maye-Pî: Fatma – Zekî Tarîx û Cayê Şehadetî: 19ê Teşrîna Verêne / Zap |
 |
Nameyê Qodî: Zagros Besta
Name û Peyname: Ahmed Çorto Cayê Bîyayîşî: Reqa Maye-Pî: Makbule – Osman Tarîx û Cayê Şehadetî: 19ê Teşrîna Verêne / Zap |
Embaza ma Jîndare qezaya Farqînî ya Amedî de dadîya xo ra bena. Embaza ma Jîndare hema domanîya xo de têkoşînê azadîye şinasnena. Dezayê ci Şervan Partizan (Şerafet Arşimet) 2009 de Çewlîg de, kênaya apê ci kızı Deniz Amed (Esra Arşimet) 2019 de Serêkanîyê de û dezayê ci yo bîn Şervan Partizan (Nimet Arşimet) 2021 de Dêrsim de şehîd bîyî. Embaze Jîndare zî 2014 de rêçê înan de tewra gerîlayan bena. A Zap de perwerde vînena û hîrê serran tîya de têkoşîn kena. 2017 de a Akademîya Mahsum Korkmazî de perwerde gêna û taktîkanê gerîlayan ser o bena pispor. Embaze Jîndare 2021 de zî perwerde vînena û xebatanê Fermandarîya Qerargehê Merkezî yê YJA-Starî de cagêna. Embaze Jîndare xebatanê kultur û ziwanî de zî xo aver bena. Embaze Jîndare Zap de çalakîyanê serkewteyan de serkêşîye kena û rayîr nêdana dişmenî. A Hemleya Şorişgêre ya Bazanê Zagrosî de bi hawayêkê aktîfî cagêna û vera teknîkê dişmenî xo ver dana. Embaze Jîndare bi şerêkê fedayîyî 19ê teşrîna verêne ya 2023yî de bena şehîd.
Embazê ma Zagros Reqa de dadîya xo ra beno. Embaz Zagros mîyanê şertanê şorişî de beno pîl. O hêverî xebatanê ciwananê şorişgêran de cagêno, dima zî tewrê yewinanê xoverdayîşî yê Rojawanî beno. Embaz Zagros dima verê xo dano koyan û beno gerîla. O cade adapteyê koyan beno û perwerdeyan de xo aver beno. Embaz Zagros bi kesayetê xo beno mazharê hûrmet û heskerdişê embazanê xo. Embaz Zagros Zap de kedanê pîlan dano û xeylêk çalakîyan de derbanê giranan dano dişmenî ro. Embaz Zagros çalakîyanê 18 û 19ê teşrîna verêne de zî serkêşîye keno û diyê ci payeberzî xeylêk îşxalkeran pa embazanê xo ceza keno. Embaz Zagros nê şerê fedayîyî de beno şehîd. Ma soz danê ke bibê teqîbkerdoxê ruhê ey ê çalakîkerî û qesasê pêro şehîdan bigêrê.” BEHDÎNAN
