”22yê hezîrana 2023yî de hêrişê dişmenî yê vera Herêma Şehîd Delîlî ya Rojawanê Zapî de ewladê şarê ma yê Nisêbînî Mahîr Binevş û ewladê şarê ma yê erebî Azad Serab şehîd bîyî.
Wird embazê ma zî perwerê paradîgmaya neteweya demokratîke ya Rayber Apoyî û cuya hempare ya şaran bîyî. Embazanê ma Mahîr û Azadî nê esasî ser o heta nefesê xo yê peyênî şer kerd.
Embazê ma Mahîr Binevş û Azad Serab bi şehadetê xo bîyî pirdê wayûbiratîya şaranê kurdan û ereban û mîrazê ferasetê yewbîyayîşî û înan bi nê hawayî tarîxê ma yê têkoşînî de cayê xo girewt. Ma sere de keyeyanê înan ê ercîyayeyan rê pêro şarê kurd û erebî rê serweşîye wazenê.
Nasnameyê embazanê ma yê şehîdan wina yê:
 |
Nameyê Qodî: Mahîr Binevş
Name û Peyname: Îdrîs Erkol Cayê Bîyayîşî: Stenbol Maye-Pî: Yasemîne – Suleyman Tarîx û Cayê Şehadetî: 22yê Hezîrana 2023yî / Zap |
Mahir Binevş – İdris Erkol
 |
Nameyê Qodî: Azad Serab Name û Peyname: Alî Demlexî Cayê Bîyayîşî: Minbic Maye-Pî: Meryeme – Ahmed Tarîx û Cayê Şehadetî: 22yê Hezîrana 2023yî / Zap |
Azad Serab – Ali Demlexî
Embazê ma Mahîr mîyanê keyeyêkê nisêbînijî de Stenbol de dadîya xo ra beno la Nisêbîn de beno pîl. Embazê ma Mahîr hêverî xebatanê ciwanan de cagêno û wextê Xoverdayîşê Xoîdarekerdişî yê Nisêbînî de rolêkê aktîfî kay keno. O dima tewrê gerîlayan beno. Embaz Mahîr koyan de xebatanê Komalanê Ciwanan keno. O embazanê xo rê perwerde zî dano û tecrubeyanê xo înan de pare keno. Embaz Mahîr 2019 de derbazê Herêmanê Pawitişî yê Medya beno û dest pê têkoşînê çekdarî keno. Embazê ma Mahîr Herêma Şehîd Delîlî ya Rojawanê Zapî de çalakîyanê xurtan keno û derbanê giranan dano dişmenî ro. Embazê ma Mahîr heta şehadetê xo xeta têkoşînî ra tawîz nêdano.
Embazê ma Azad sey ewladêkê şarê erebî Minbic de dadîya xo ra beno. Embazê ma Azad wextê hêrişanê DAIŞî de binê tesîrê xoverdayîşê embazanê ma yê sey Feysel Ebû Leylî de maneno. Embaz Azad o çax tewrê xebatanê ciwanan beno û 2019 de tewrê gerîlayan beno. Embazê ma Azad bi perwerdeyan xo aver beno. Embazê ma Azad serê esasê paradîgmaya ‘neteweya demokratîke’ ya Rayber Apoyî de seba azadîya şaran koyan de dest pê têkoşînêkê xurtî keno. Embazê ma Azad seba ke dewleta tirke ya îşxalkere ra hesabê hêrişan biperso derbazê Herêma Şehîd Delîlî ya Rojawanê Zapî beno. O tîya de serkêşîya xoverdayîşî keno û şehîd beno.” BEHDÎNAN
