Merkezê Îrtîbatî û Çapemenîye yê HPGyî nasnameyê hîrê şehîdan eşkera kerdî û derheqê cuya û têkoşînê înan de nê pare kerdî:
“Ma eşkerayîya xo ya 28ê teşrîna peyêna 2022yî vatbi 26ê teşrîna peyêne de Warê Xoverdayîşî yê Girê Hakarî yê Metîna de operasyonê şorişgêrî ameyo kerdene û 42 îşxalkerî ameyî cezakerdene. Ma dabi pêhesnayene ke nê operasyonî de hemrayê Amed, Binevşe û Baran yê ke bi hewayêkê qehremakîyî şîyî dişmenî ser tewrê kerwanê şehîdan bîyî.
Nasnameyê embazanê ma yê ke şehîd bîyî wina yê:
Nameyê Qodî: Amed Avesta
Name û Peyname: Dîyar Solmaz
Cayê Bîyayîşî: Amed
Maye-Pî: Menice – Yilmaz
Tarîx û Cayê Şehadetî: 26ê Teşrîna Peyêna 2022yî /Metîna
Nameyê Qodî: Binevş Vejîn
Name û Peyname: Yonca Gokalp
Cayê Bîyayîşî: Wan
Maye-Pî: Nurane – Şefik
Tarîx û Cayê Şehadetî: 26ê Teşrîna Peyêna 2022yî /Metîna
Nameyê Qodî: Baran Çirav
Name û Peyname: Çekdar Oguz
Cayê Bîyayîşî: Sêrt
Maye-Pî: Xatûne – Mehmet Ali
Tarîx û Cayê Şehadetî: 26ê Teşrîna Peyêna 2022yî /Metîna
Hemrayê ma Amedo ke eslê xo de dewa Fîsî ya Amedî ra ya rîyê zextê dewlete ra keyeyê ci bar keno merkezê bajarî û o tîya yeno dînya û beno pîl û 2015 de verê xo dano koyanê azadan ê Kurdistanî. Hemrayê ma Amed semedê şarê Rojawanî vera çeteyanê DAIŞî şer keno û badê xelisnayîşê Rojawanî reyna agêreno koyanê Kurdistanî. Bado ke perwerdeyê akademî geno sey fermandarêkê serkêşî tewrê xebetan beno. Hemrayê ma Amed roja verêne yê hêrişê îşxalî ra nata cepheyê şerî yê Metîna de cayê xo geno. Tewr peynî Warê Xoverdayîşî yê Girê Hakarî de sey fermandarî operasyonê şorişgêrî de ca geno. Rixmo ke birîndar beno xo peyserî nêanceno û operasyonî dano domnayene. Hemrayê Amed heta nefesê xo yê peyênî şer keno û tewrê kerwanê şehîdan beno.
Hemraya ma Binevşe Şaxa Wanî de eşîrê êzdînan de yena dinya û bi hîkayeyanê destankî yê Partîya ma PKKyî bena pîle. Hemraya ma Binevşe 2014 tewrê sefanê gerîayan bena û perwerdeyê xo yê verînî herêma Zapî de gena û pratîkê xo yê verînî zî tîya kena. Dima ra sey gerîlayêka serkewtîye ya YJ A Starî verê xo dana warê Cîloyî û tîya mîyanê xeylêk çalakîyan de ca gena û derbayanê girdan dana dişmenî ro. Demêk bi giranî birîndar bena la bi îradeyê xurtî bena weş û agêrena wezîfeyê şorişî. Dima ra ravêrena warê Xakurkê û tîya reyna birîndare bena la warê şerî canêverdena. Hemraya ma Binevşe badê perwerdeyî şina herêma Metîna û Girê Hakarî de sey fermandarêka YJA Starî mîyanê xebatan cayê xo gena.
Hemrayê ma Baran dewa Torîkî ya qezaya Dihê ya Sêrtî de yeno dinya û bi kulturê welatperwerîye beno pîl. Hemrayê ma Baran seba ke birayê ci fermandaro fedayî û endamê Hêzanê Taybetan Çirav Botan (Cemal Oguz) o ke wextê Xoverdayîşê Xoîdarekerdişî de şehîd bi, 2004 tewrê sefanê Têkoşînê Azadîye yê Kurdistanî beno, tim eleqeya ci gerîlatîye rê esta. Hemrayê ma Baran gama ke Unîversîteya Sêrtî de waneno xebatanê ciwanan de aktî ca geno 2021 de yeno tepiştene. 14 aşmî zîndan de maneno û 2014 de tewrê sefanê gerîlayan beno. Heftanîn û Xakurkê de pratîkê verênî vîneno, 2019 de birîndar beno la pê îradeyê xurtî beno weş û xebatan rê dewam keno. Her ca de bi hemratîye û fermandarîya xo yeno heskerdene.
Ma sere de keyeyanê ercîyayeyan ê hemrayanê xo Amed, Binevşe û Baranî, heme şarê welatperwerî yê Kurdistanî rê serweşîye wazenê û sozê xo yê serkewtişî newe kenê.” BEHDÎNAN
