Merkezê Îrtîbatî û Çapemenîye yê HPGyî nasnameyê hîrê şehîdanê Zapî eşkera kerdî.
Eşkerayîye wina ya:
“29ê hezîrana 2023yî de ma eşkerayîya xo de dabi zanayene ke artêşa tirke ya îşxalkere 22yê hezîrane de Şikefta Birîndara û Warê Xoverdayîşî ra Kokerî yê Zapî de operasyonêko hîra dayo destpêkerdene. 22yê hezîrane de embaz Zagrosî bombarduman de, 23yê hezîrane de embazanê ma Zana û Berxwedanî derbê giranî dayî dişmenî ro û bombarduman de şehîd bîyê.
Ma sere de keyeyanê embaz Zana, Berxwedan û Zagrosî yê ercîyayeyan rê pêro şarê Kurdîstanî yê welatperwerî rê serweşîye wazenê.
Embaz Zana Mêrdîn de dadîya xo ra beno. O 2010 de tewrê gerîlayan beno. Embaz Zana xeylêk cayan de şer keno, têkoşînê vera DAÎŞî de cagêno. O zap de derbanê giranan dano dişmenî ro û pêro wezîfeyanê xo bêkêmasî ano ca. Embaz Zana keno ke heta nefesê xo yê peyênî bibo temsîlkarê xeta şehîdan û Rayberîye.
Embaz Berxwedan Şirnex de dadîya xo ra beno. Embaz Berxwedan 2015 de tewrê Şorişê Rojawanî beno û vera DAÎŞî şer keno. Dima zî verê xo dano koyan û beno gerîla. Embaz Berxwedan Zap de vera hêrişanê dişmenî têkoşînêkê xurtî mojneno û derbanê giranan dano dişmenî ro. O Zap de beno wayîrê kedêka pîle.
Embaz Zagros Serêkanîyê de dadîya xo ra beno. O hêverî Şorişê Rojawanî de cagêno, vera DAÎŞî û hêrişanê îşxalî şer keno. Dima zî verê xo dano koyan, beno gerîla. Embaz Zagros 2022 de derbazê Zapî beno û vera dişmenî çalakîyanê serkewteyan de cagêno. Embaz Zagros vera operasyonanê dişmenî derbanê giranan dano û beno şehîd.”
Nasnameyê embazanê ma yê şehîdan wina yê:
 |
Nameyê Qodî: Zana Govend
Name û Peyname: Zafer Akgun Cayê Bîyayîşî: Mêrdîn Maye-Pî: Behiye – Mehmet Tarîx û Cayê Şehadetî: 23yê Hezîrana 2023yî / Zap |
 |
Nameyê Qodî: Berxwedan Gabar
Name û Peyname: Salih Dayan Cayê Bîyayîşî: Şirnex Maye-Pî: Mevlude – Hüseyin Tarîx û Cayê Şehadetî: 23yê Hezîrana 2023yî / Zap |
 |
Nameyê Qodî: Zagros Serêkaniyê
Name û Peyname: Cîhad Xalid Huseyîn Cayê Bîyayîşî: Serêkaniyê Maye-Pî: Tayha – Xalid Tarîx û Cayê Şehadetî: 22yê Hezîrana 2023yî / Zap |
