Merkezê Îrtîbatî û Çapemenîye yê HPGyî nasnameyê hîrê şehîdan eşkera kerdî. Eşkerayîye wina ya:
”10ê adara 2023yî de hêrişê dişmenî yê vera Herêmanê Pawitişî yê Medya de embazê ma Alî Xebat, Rênas û Cesur şehîd bîyî.
Hîrê embazanê ma zî her xebata xo de serkewtişî ra ber çîyêko bîn qebul nêkerd û înan pêro erk û mesuldarîyê xo bi layîqî ardî ca. Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê.
Nasnameyê embazanê ma yê şehîdan wina yê:
 |
Nameyê Qodî: Ali Xebat Botan
Name û Peyname: Erdinç Bolcal Cayê Bîyayîşî: Adana Maye-Pî: Melahate – Asif Tarîx û Cayê Şehadetî: 10ê Adara 2023yî /Herêmê Pawitişî yê Medya |
 |
Nameyê Qodî: Rênas Raperîn
Name û Peyname: Faîk Aydin Cayê Bîyayîşî: Mûş Maye-Pî: Xayle – Saît Tarîx û Cayê Şehadetî: 10ê Adara 2023yî /Herêmê Pawitişî yê Medya |
 |
Nameyê Qodî: Cesur Vedat Welat
Name û Peyname: Abdulmuttalîp Dogrucu Cayê Bîyayîşî: Amed Maye-Pî: Yuksele – Fahrettîn Tarîx û Cayê Şehadetî: 10ê Adara 2023yî /Herêmê Pawitişî yê Medya |
Embazê ma Alî Xebat Adana de mîyanê keyeyêkê Nastûrîyî de dadîya xo ra beno. Embaz Alî Xebat hêverî xebatanê ciwanan de cagêno la dima hetê dişmenî ra tepişîyeno. Embaz Alî 2009 de zîndanî ra vejîyeno û verê xo dano koyan. O Akademîya Mazlûm doganî de perwerde vîneno. Embaz Alî xebatanê çapemenîye de kede dano. Dima o vera cerganê DAÎŞî Şingal û rojawan de şer keno. Embaz Alî tîya ra agêreno koyan. Embazê ma Alî Xebat hertim bi aktîfî têgêreno û heta şehadetê xo zî nêvindeno.
Embazê ma Rênas dewa Elî Kuleka ya Mûşî de dadîya xo ra beno. Embaz Rênas Ewropa de beno pîl û tîya de tewrê xebatanê ciwanan beno. Dima ke birayê ci Saygi aydin û Ferhat Aydin tewrê têkoşînî benê û ferhat Aydin Rojawan de şehîd beno, 2016 o embazê ma Rênaso ke zewijnaye bi û yew domanê ci bi, zî tewrê gerîlayan beno. Embaz Rênas Dibistana Merkezî ya Mazlûm Doganî de perwerde vîneno. Dima ke birayê ci Saygi zî şehîd beno mesuldarîya embaz Rênasî zêdîyeno. Embazê ma Rênas bi nê ferasetî tim pêro erk û mesuldarîyanê xo ano ca û heta şehadetî serkewtişî xo rê keno esas.
Embazê ma Cesur qezaya Farqînî ya Amedî de dadîya xo ra beno. Embaz Cesur Îstanbul de beno pîl. Embazê ma Cesur şehadetê apê xo Vedat Dogrucu (Cesur) ra dima bi hêrsê vera dişmenî 2017 de tewrê gerîlayan beno. Embazê ma Cesur Herêmanê Pawitişî yê Medya de perwerde vîneno. O xeylêk waranê nê cayan de gerîlatîye zî keno. Embazê ma Cesur mîyanê têkoşînî de tim xo aver beno. Embazê ma Cesur bi kesayet û gerîlatîya xo zî beno mazharê heskerdiş û hûrmetê embazanê xo. Ma do wayîrê têkoşînê ey vejîyê û xeyalanê pêro şehîdan bîyarê ca.” BEHDÎNAN
