Merkezê Îrtîbatî û Çapemenîye yê HPGyî nasnameyê hîrê şehîdanê Metîna eşkera kerdî û nê pare kerdî:
”Herêmanê Pawitişî yê Medya de vera hêrişê îşxalî yê dewleta tirke têkoşîno biheybet ê Gerîlayanê Azadîye yê Kurdîstanî dewam keno. Gerîlayê azadîye semedê azadîya şarê xo bi têkoşînê destankî rolê xo yê tarîxî kay kenê. Hemrayê ma Rojhat, Rojda û Şoreş ke bi têkoşînê xo bîyî afirnayoxê sibayanê azadan ê şarê ma, hêrişê dişmenî yê vera Metîna de şehîd bîyî.
Ma sere de keyeyanê erjîyayeyan ê hemrayanê xo fermandaro qehreman ê wextanê zoran Rojhat Hebeş, cinîya qehremane ya şarê Garzanî Rojda û ewlato jîhat ê şarê ma yê ereban Şoreşî rê, heme şarê xo yê welatperwerî rê serweşîye wazenê û soz danê ke ma do waştişê şehîdanê xo yê bimbarekan bîyarê ca.
Nasnameyê embazanê ma yê şehîdan wina yê:
 |
Nameyê Qodî: Rojhat Hebeş
Name û Peyname: Mecîd Mahmudî Cayê Bîyayîşî: Kotol Maye-Pî: Zubeyde – Hasan Tarîx û Cayê Şehadetî: Temmuza 2023yî / Metîna |
 |
Nameyê Qodî: Rojda Zîlan Demhat
Name û Peyname: Kezbane Akşin Cayê Bîyayîşî: Bedlîs Maye-Pî: Saadet – Şemsettin Tarîx û Cayê Şehadetî: Temmuza 2023yî / Metîna |
 |
Nameyê Qodî: Şoreş Serhildan
Name û Peyname: Salih Silêman Ereb Cayê Bîyayîşî: Hesekê Maye-Pî: Hiyam – Silêman Tarîx û Cayê Şehadetî: Temmuza 2023yî / Metîna |
Hemrayê ma Rojhat dewa Hebeşî ya Kotolî de yeno dinya û keyeyêkê welatperwerî de beno pîl. Seba ke dewa ci de xeylêk kesî tewrê refanê gerîlayan bîyî û şehadetî qewimîyayî o zaf binê tesîrê ci de meneno. Hemrayê ma Rojhat 2009î de warê Qendîlî de tewrê refanê gerîlayan beno û badê perwerdeyî eynî warî de gerîlatîye keno. Bado ke xeylêk waranê Qendîlî de gerîlatîye keno wazeno verê xo bido Vakurê Kurdîstanî û Botan de gerîlatîye bikero la semedê paştdayîşê şarê xo şino Kobanê û vera çeteyanê DAÎŞÎ şer keno.
Dima herêma Sirînî de fermandarîye keno û tewrê hemleyanê şorişgêran beno. Bado ke zaf tecrube pêser keno akademîyan de ders dano û verê xo dano koyanê Vakurî. Sey endamê fermandarîya eyaletî Wan de cayanê bînan ê Vakurî de gerîlatîye keno. Dima reyna agêreno Herêmanê Pawiitşî yê Medya û fermandarê wextanê zoran tewrê saf çalakîyan beno.
Hemraya ma Rojda Xîzan de keyeyêkê welatperwerî de yena dinya û rîyê zextê dişmenî ra Mersin de bana pîl. Her çiqas welatê xo ra dûrî de bimano zî wayîrê erjanê xo vejîyena. 2014 de badê hêrişê DAÎŞî yê vera Şingalî pîya bi detkênaya xo Arjîne Garzan (Nergize Akşin) warê Herekolî de tewrê refanê gerîlayan bena. Perwerdeyê verênî Besta de vînena. Şerê tarîxî yê Kobanê de cayê xo gena û şarê xo pawena. Hemleya Sirînî de birîndar bena û wextêk tedawî vînena û reyna agêrana warê şerî. Hemraya ma Rojda dima verê xo dana koyanê Kurdîstanî û sey gerîlayêka YJA Starî vera îşxalkeran şer kena.
Hemrayê ma Şoreş keyeyêkê erebî yê Hesekê de yeno dinya û tewrê hêzanê azadîye yê Rojawanî beno. Rojawan de bitaybetî vera hêrişanê dewleta tirke mewzîyan de cayê xo geno. Seba ke hesabê qirkerdişanê Efrîn, Serêkanîyê û Girê Sipî biperso tewrê refanê gerîlayan beno. Metîna de vera îşxalkeran şer keno. Xeylêk çalakîyanê serkewteyan de ca geno.” BEHDÎNAN
