Merkezê Îrtîbatî û Çapemenîye yê HPGyî bi eşkera kerd ke 2019 de Herêmanê Pawitişî yê Medya de panc gerîlayî şehîd bîyî û nê vatî:
“Hemrayê Egîd, Rûgeşe, Dijwar, Siyabend û Herekol ê ke her yewê ci cografyaya cîya ya Kurdîstan ra yê, semedê azadîya şarê xo tewrê sefanê gerîlayan bîyî û bi têkoşînê xo tewr zelal mojna dişmenî ke şarê kurdî do çirey milê xo çewt nêkero. Ma do xeyalanê hemrayanê xo bîyarê ca û miheqeq ser bikewê.
Nasnameyê embazanê ma yê ke şehîd bîyî wina yê.
Nameyê Qodî: Egîd Qoser
Name û Peyname: Egîd Ozel
Cayê Bîyayîşî: Mêrdîn
Maye-Pî: Munevvere – Selahattin
Tarîx û Cayê Şehadetî: 2019 / Herêmê Pawitişî yê Medya
Nameyê Qodî: Rûgeş Devran
Name û Peyname: Goçere Noyan
Cayê Bîyayîşî: Colemêrg
Maye-Pî: Aydi – Mehmet
Tarîx û Cayê Şehadetî: 2019 / Herêmê Pawitişî yê Medya 
Nameyê Qodî: Siyabend Garzan
Name û Peyname: İlyas Ozer
Cayê Bîyayîşî: Êlih
Maye-Pî: Meryeme – Mehmet Emin
Tarîx û Cayê Şehadetî: 2019 / Herêmê Pawitişî yê Medya
Nameyê Qodî: Dijwar Berxwedan
Name û Peyname: Abdulmutalip Gullu
Cayê Bîyayîşî: Wan
Maye-Pî: Feride – Mehmet
Tarîx û Cayê Şehadetî: 2019 / Herêmê Pawitişî yê Medya
Nameyê Qodî: Herekol Şirnex
Name û Peyname: Selim Ongun
Cayê Bîyayîşî: Şirnex
Maye-Pî: Mevlude – Yusuf
Tarîx û Cayê Şehadetî: 2019 / Herêmê Pawitişî yê Medya
Hemrayê ma Egîd Qoserê Mêrdînî de yeno dinya û keyeyêkê welatperwerî de beno pîl. Apê ci Şehîd Hogiro ke tewrê sefanê azadîye yê gerîlayan beno, 1994 de şehîd beno. Hemrayê ma Egîd şexsê apê xo de xeta şehîdan esas geno û 2011 de tewrê sefanê gerîlayan beno. Badê perwerdeyê şervananê neweyan Zap de wezîfe geno û beno gerîlayêko serkewte û fermandar.
Hemraya ma Rûgeşe Colemêrg de yena dinya û bi kulturê welatperwerîye bena pîl. Binê tesîrê paradîgmaya cinîya azade ya Rayber Apoyî de manena û verê xo dana koyanê Kurdîstanî. Bado ke Zap de perwedeyê bingeyî yê gerîlatîye gena bena gerîlayêka serkewtîye ya YJA Starî. Xeylêk wext herêma Zapî de gerîlatîye kena. Hemraya ma Rûgeşe xo her tim aver bena, xebityena, şer kena û bena fermandarêka serkêşe.
Hemrayê ma Sîyabend Êlih de yeno dinya û keyeyêkê welatperwerî de beno pîl. 2012 de felsefeya Rayber Apoyî rinda fam keno û 2014 de sey heme ciwananê bînan ê kurdan verê xo dano koyanê Kurdîstanî û tewrê sefanê Gerîlayanê Azadîye yê Kurdistanî beno. Badê perwerdeyê bingeyî Xerzan de pratîk rayra beno. Bi tecrubeyê gerîlatîya Vakurê Kurdistanî verê xo dano Şingalî û vera çeteyan şarê xo paweno. Dima ke wezîfeyê xo bi serkewtişî ano ca reyna agêreno koyanê Kurdîstanî. Perwerdeyo ke akedemî de vîneno hem hetê leşkerî hem zî hetê îdeolojî ra xorî keno û beno fermandar.
Hemrayê ma Dijwar Erdîşê Wanî de yeno dinya û bi kulturê welatperwerîye beno pîl. Seba ke dewa înan welatperwer a tim raştê zextê dişmenî yena. Hemrayê ma Dijwar nêzdî ra vîneno ke dişmen senî şarê ma rê îşkence keno. Wextêk xebatanê ciwanan de ca geno û xeylêk rey raştê îşkenceyî yeno. Hemrayê ma semedê pawitşê şar û erdê xo 2014 e tewrê sefanê gerîlayan beno. Tim û tim waneno, cigêrayîşan keno û xo hetê leşkerî û îdeolojî ra resneno. Hemrayê ma yo ke herêma Avaşînî de bi pratîkê xo nimûneyî yeno naskerdene, beno ters û xofê dişmenî.
Hemrayê ma Herekol merkezê têkoşînê Botanî Şirnex de yeno dinya û keyeyêkê welatperwerî de beno pîl. 2015 de Cûdî de tewrê sefanê gerîlayan beno. Dima ke perwerdeyê bingeyî yê gerîlatîye bi serkewtişî qedîneno herêmanê Zap û Avaşînî de partîk rayra beno. Hemrayê ma Herekol cepheyanê şerî de vernî de cayê xo geno û derbanê girdan dano dişmenî ro û demê kilmî de beno hemrayanê ma yê serkeşan ra yew. Xeylêk wext Zagrosan de gerîlatîye keno.
Ma sere de keyeyanê ercîyayeyan ê hemrayanê xo Egîd, Rûgeşe, Dijwar, Siyabend û Herekolî rê heme şarê welatperwerî yê Kurdistanî rê serweşîye wazenê.” BEHDÎNAN
