Merkezê Îrtîbatî û Çapemenîye yê HPGyî nasnameyê panc şehîdan eşkera kerdî. Eşkerayîye wina ya:
”17ê êlula 2023yî de warê Licê ya Amedî de komêka embazanê ma û artêşa tirke ya îşxalkere temas kerd û pêkewtişê giranî qewimîyayî. Nê pêkewtişan serê sibayî ra heta şanî dewam kerd û embazanê ma derbê giranî dayî dişmenî ro. Artêşa tirke pê xoverdayîşê embazanê ma nêeşkaye û pê helîkopter û teyarayanê şerî embazê ma dayî bombayan ver. Nê pêkewtişan de Endama Konseya Fermandarîya HPG û YJA-Starî û Fermandara Eyaletê Amedî Axîne Gabar û embazê ma Egîd, Rohat û Demhat şehîd bîyî.
Ma sere de keyeyanê înan ê ercîyayeyan rê, pêro şarê ma yê welatperwerî rê serweşîye wazenê. Ma soz danê ke do qesasê şehîdan bigêrê û têkoşînê înan qetî bi serkewtişî tacîdar bikerê.
Nasnameyê embazanê ma yê şehîdan wina yê:
 |
Nameyê Qodî: Axîne Gabar
Name û Peyname: Hulya Demirer Cayê Bîyayîşî: Lefkoşa Maye-Pî: Xanimzere – Elîbaz Tarîx û Cayê Şehadetî: 17ê Êlula 2023yî /Amed |
 |
Nameyê Qodî: Egîd Berxwedan
Name û Peyname: Habîb Karakoç Cayê Bîyayîşî: Amed Maye-Pî: Muzeyyene – Mehmet Sedîq Tarîx û Cayê Şehadetî: 17ê Êlula 2023yî /Amed |
 |
Nameyê Qodî: Rohat Pasûr
Name û Peyname: Cîhat Ay Cayê Bîyayîşî: Amed Maye-Pî: Halîde – Îhsan Tarîx û Cayê Şehadetî: 17ê Êlula 2023yî /Amed |
 |
Nameyê Qodî: Demhat Setkar
Name û Peyname: Çetin Temel Cayê Bîyayîşî: Wan Maye-Pî: Sîma – Sait Tarîx û Cayê Şehadetî: 17ê Êlula 2023yî /Amed |
Embaza ma Axîne keyeyêkê mûşijî de Lefkoşaya Kibrisî de dadîya ra bena. A 1997 de tewra têkoşînî bena û tedayan ra dima derbazê Ewropa bena. Embaze Axîn dima 2000 de tewra gerîlayan bena. A sere de Qendîl, Zap, Garê xeylêk waran de têkoşîn kena û bena fermandarêka YJA-Starî. A 4 serran Botan de têkoşîn kena û xeylêk perwerdeyan vînena. Embaza ma Axîne dima derbazê Amedî bena. Amed de a pêro erkanê xo bi serkewtişî ana ca. Embaze Axîne têkoşînê xo yê 26 serran de bena fermandarêka fedakare û têkoşere. Ma do têkoşînê aye biresnê serkewtişî.
Embaz Egîd Farqînê Amedî de dadîya xo ra beno. O hêverî xebatanê ciwanan de cagêno, dima 2011 de tewrê gerîlayan beno. Embaz Egîd cade xo aver beno. O vera DAÎŞî 2014 de Kobanê de şer keno û birîndar beno. Wextê tedawî de beno esîrê dewleta tirke. 7 serran ra dima wexto ke zîndanî ra vejîyeno o reyna verê xo dano koyan. Embaz Egîd peyê xo de mîrasêko pîl verdeno.
Embaz Rohat Amed de dadîya xo ra beno. O hêverî tewrê xebatanê çapemenîye beno û dima zî tepişîyeno. Dima ke zîndanî ra vejîya 2013 de o tewrê gerîlayan beno. Embaz Rohat cade gerîlatîye museno. 2016 de o derbazê Amedî beno û 7 serran bêmabên têkoşîn keno. Embaz Rohat bi fedakarî û qehremanî têgêreno û hertim mesuldarîyanê xo bêkêmasî û serkewtişî ano ca.
Embaz Demhat mîyanê keyeyêkê botanijî de Wan de dadîya xo ra beno. O destpêk de tewrê xebetanê ciwanan beno û dima zî Amedî ra tewrê gerîlayan beno. Embaz Demhat wextêk perwerdeyan vîneno û xo cade aver beno. Embaz Demhat tim pê têkoşînê xo embazanê xo rê beno mîsal û çimeyê hêz û moralî. Embaz Demhat sey milîtanêkê Apogîrî tim pîlkerdişê têkoşînî armanc keno.
Şehîdê Botanî
17ê êlula 2023yî de dormeyê dewa Bana ya qezaya Basa ya Şirnexî de pêkewtişanê mabênê hêzanê ma û artêşa tirke de embazê ma Rênas Tolhildan şehîd bi. Embazê ma Rênasî destpêkî ra nata pêro erk û mesuldarîyê xo bêkêmasî ardî ca. O pê tewir û kesayetê xo zî ciwananê kurdan rê bi serkêş.
Ma sere de keyeyê embaz Rênasî yê ercîyayeyî rê pêro şarê Kurdîstanî yê welatperwerî rê serweşîye wazenê.
Nasnameyê embaz Rênasî wina yo:
 |
Nameyê Qodî: Rênas Tolhildan
Name û Peyname: Ramazan Elîçumuş Cayê Bîyayîşî: Şirnex Maye-Pî: Leyûne – Xelîl Tarîx û Cayê Şehadetî: 17ê Êlula 2023yî /Botan |
Embazê ma Rênas Şirnex de dadîya xo ra beno. O domanîya xo de gerîlayan şinasneno û 2019 de zî Botanî ra tewrê gerîlayan beno. Embaz Rênas Botan de embaz Egîd Civyanî ra perwerde vîneno. Embaz Rênas Botan de vera dişmenî tewrê çalakîyanê serkewteyan beno û tim xo aver beno. Embaz Rênas sey milîtanêkê Apogîrî 17ê êlule de vera hêrişanê dişmenî heta nefesê xo yê peyênî şer keno û beno şehîd.”
