HPGyî nasnameyê şehîdêke eşkera kerd

Merkezê Îrtîbatî û Çapemenîye yê HPGyî nasnameyê şehîdêke eşkera kerd. Eşkerayîye wina ya:

”13ê hezîrana 2019î de hêrişê dişmenî yê vera Herêmanê Pawitişî yê Medya de embaza ma Arîne Êrîş şehîd bîye.

Embaza ma Arîne bi hişmendîya xo ya azadîye û milîtanîya xo ya Apogîre mîyanê xebatanê Hêzanê Taybetan de cagirewt. Ma soz danê ke şexsê aye de bi têkoşînê xo bibê layîqê pêro şehîdanê xo.

Bi nê hîsan serrgêra şehadetê embaze Arîne de aye bi rêz û minetî yad kenê. Sere de keyeyê aye rê ma pêro şarê Kurdîstanî yê welatperwerî rê serweşîye wazenê.

Nasnameyê embaza ma ya şehîde wina yo:

Embaza ma Arîne Amed de keyeyêkê welatperwerî de dadîya xo ra bena la dima metropolan de bena pîl. Rixmê ney zî a kokanê xo yê kurdayetîye ra nêqerifîyena. A hema ciwanîya xo de tewra xebatanê şorişgêrîye bena. Dima ke xalê ci tewrê gerîlayan beno a zî 2013 de verê xo dana koyan û bena gerîla.Embaze Arîne perwerdeyî ra dima 2014 de tewra xebatanê Hêzanê Taybetan bena. Embaze Arîne cade bena gerîlayêka YJA-Starî ya marîfetîne û tim xo aver bena. A xeta cinîya azade temsîl kena û na xete de şer kena. Embaza ma Arîne Herêmanê Pawitişî yê Medya de bi xurtî cewab dana hêrişanê dişmenî.

A heta şehadetê xo zî bi fedayîtî çalakîyan kena, derbanê giranan dana dişmenî ro û tewra karwanê şehîdan bena. Ma soz danê ke têkoşînê embaza ma Arîne bi serkewtişî tacîdar bikerê.”