Merkezê Îrtîbatî û Çapemenîye yê HPGyî nasnameyê şehîdêke eşkera kerd. Eşkerayîye wina ya:
”Embaza ma Doga Vîyan 12ê teşrîna verêne ya 2023yî de Herêma Şehîd Delîlî ya Rojawanê Zapî de bi qerardarî şîye serê dişmenî, derbê giranî dayî piro û şehîd bîye.
Embaza ma Doga pê tewir, pratîk û çalakîyanê xo moral û hêz da embazanê xo yê gerîlayan.Embaza ma Doga bi beşdarî, xîret, bawerîya berze, terzê pirodayîşî û ruhê xo yê fedayîyî fedayîyêka nimûne bîye ke eşkayêne terzê nê dewrî biaferna. Vîrameyîşê aye do tim mîyanê têkoşînê ma de biciwîyo. Nê esasî ser o ma sere de keyeyê aye yê ercîyayeyî rê pêro şarê Kurdîstanî yê welatperwerî rê serweşîye wazenê.
Nasnameyê embaze Doga wina yo:
 |
Nameyê Qodî: Doga Vîyan
Maye-Pî: Gulbahar Hizmali Cayê Bîyayîşî: Êlih Maye-Pî: Emîne–Hasan Tarîx û Cayê Şehadetî: 12ê Teşrîna Verêne ya 2023yî / Zap |
Embaza ma Doga mîyanê keyeyêkê sêrtijî de Êlih de dadîya xo ra bena. Embaza ma Doga qetî pê modernîteya kapîtalîste nêxapîyena û tim gêrena raştîye. Nê esasî ser o 2015 de a verê xo dana koyanê azadan. Avaşîn de a dest pê gerîlatîye kena û dima derbazê warê Govendê bena. 2019 de narey a verê xo dana Zapî.
Embaza ma Doga her warî de têkoşînêkê xurtî kena û bêhesab û bêteredutî tewra têkoşînî bena. Embaza ma Doga xeta Zîlane de tim pêro erk û mesuldarîyanê xo ana ca. Embaza ma Doga vera îşxalkeran şerêkê pîlî kena. A nê şerî de Zap de bi qerardarî şina serê dişmenî, derbanê giranan dana dişmenî ro û bena şehîd. Ruhê embaze Doga yo fedayî tim do rayîr bimojno ma. Ma do qetî xeyal û armancanê aye bîyarê ca.” BEHDÎNAN
