Merkerzê Îrtîbatî û Çapemenîye yê HPGyî nasnameyê şehîdêkê Garê eşkera kerd û nê vatî:
Hemrayê ma Tolhildan Dijwar 2ê adara 2022yî de Garê de tewrê kerwanê şehîdan bi. Ma sere de keyeyê erjîyayeyî yê hemrayanê Dijwarî rê heme şarê welatperwerî yê Xelfetî û Kurdîstanî rê serweşîye wazenê.
Nasnameyê hemrayê ma Dijwarî wina yo:
 |
Nameyê Qodî: Dijwar Tolhildan
Name û Peyname: Mustafa Yalçinkaya Cayê Bîyayîşî: Riha Maye-Pî: Havva – Kasim Tarîx û Cayê Şehadetî: 2ê Adara 2022yî / Garê |
Hemrayê ma Dijwar Xelfetîya Riha de yeno dinya û bi kulturê welatperwerîye beno pîl. Hema domanîya xo de têkoşînê PKKyî nas keno. Sey heme domananê kurdan mekteb museno ke ziwanê ci qedexe yo û wina raştîya dişmenî vîneno. Hemrayê ma dijwar 2017 de şino Ewropa û tîya de têkoşînê xo domneno. Wextêk xebatanê ciwananê şorişgêran ê welatperweran ca geno û 2019 de verê xo dano koyanê Kurdîstanî.
Badê perwerdeyê verênî sey mîlîtanêkê Apoyî tewrê xebatan beno û tim wazeno ke şiro waranê şerî la seba ke xebata muhîmî rayra beno, waştişê ci yenê redkerdene. Şehadetê hemrayê ma Dijwarî semedê ma çend giran bo zî vîrameyîşê ke ey xo dima verdayî do rayîrê ma roşn bikerê.” BEHDÎNAN
