Merkezê Îrtîbatî û Çapemenîye yê HPGyî bi eşkerayîyêke nasnameyê şehîdêkê Zapî eşkera kerd. Eşkerayîye wina ya:
”7ê adara 2023yî de hêrişanê vera Herêma Şehîd Delîlî ya Rojawanê Zapî de embazê ma Serhed Têkoşînî şehîd bi.
Embazê ma Serhed Têkoşînî Xakurkê ra heta Zap û Garê xeylêk waran de têkoşîn kerd, xeylêk çalakîyan de cagirewt û kerd ke derbê giranî bidîyê dişmenî ro. Ey şerwanîya xo reyde bi embazîya xo zî zerrîya embazanê xo de cayê xo viraşt.
Ma sere de keyeyê ey ê ercîyayeyî rê pêro şarê Erzirom û Kurdîstanî yê welatperwerî rê serweşîye wazenê.
Nasnameyê embazê ma Serhed Têkoşînî wina yo:
 |
Nameyê Qodî: Serhed Tekoşîn
Name û Peyname: Semîh Kaya Cayê Bîyayîşî: Erzirom Maye-Pî: Perişane – Reşît Tarîx û Cayê Şehadetî: 7ê Adara 2023yî / Zap |
Embazê ma Serhed qezaya Qereyazî ya Erziromî de dadîya xo ra beno û hema domanîya xo de polîtîkayanê dişmenî şinasneno. Şehadetanê merdim û nasanê ci yê gerîlayan ra dima o zî keweno cigêrayîşan pey û tewrê xebatanê ciwanan beno. Embaz Serhed serrgêra Komployê Mîyanneteweyîyî de 15ê sibata 2014î de Xakurkê ra tewrê gerîlayan beno.
Embazê ma Serhed Xakurkê de perwerde vîneno û xo hetê îdeolojîk û leşkerîye ra aver beno. 2015-2016 de o tewrê xeylêk çalakîyanê Xakurkê beno, derbanê giranan dano dişmenî ro. Rixmo ke beno birîndar o têkoşînî ra fek vera nêdano. Embaz Serhed 2018 de vera hêrişanê giranan Xakurkê de têkoşînêkê bêhempayî keno.
Embaz Serhed ancî tewrê perwerdeyan beno û narey verê xo dano Herêma Şehîd Delîlî ya Rojawanê Zapî. Embazê ma Serhed tîya de zî bi fedayîtî şer keno û qetî qerardarî û îdîaya serkewtişî ra tawîz nêdano. Sey embazanê ey ma soz danê ke do serkêşîya embaz Serhedî de têkoşînê pêro şehîdanê xo biresnê serkewtişî.” BEHDÎNAN
