Merkezê Îrtîbatî û Çapemenîye yê HPGyî bi eşkerayîyêke nasnameyê gerîlayêkê şehîdî eşkera kerd. Eşkerayîye wina ya:
”Embazê ma Dijwar Elbak 26ê kanûna 2023yî de wexto ke herêma Kotolî ra şîyêne netîceya dafika hêzanê Îranî de ame pirodayene û şehîd bi.
Embazê ma Dijwar tecrubeyanê xo yê îdeolojîkan reyde bi embazîya xo ya xurte, bawerîya xo ya bi serkewtişî û hunerê xo yê gerîlatîye bi milîtanêko Apogîr o nimûne. Ma sere de keyeyê ci yê ercîyayeyî rê, pêro şarê Elbakî û Kurdîstanî yê welatperwerî rê serweşîye wazenê.
Nasnameyê embazê ma Dijwar Elbakî wina yo:
 |
Nameyê Qodî: Dijwar Elbak
Name û Peyname: Ergîn Demîr Cayê Bîyayîşî: Wan Maye-Pî: Şefika – Enver Tarîx û Cayê Şehadetî: 26ê Kanûna 2023yî / Kotol |
Embazê ma Dijwar qezaya Elbakî ya Wanî de dadîya xo ra beno. Embazê ma Dijwar hema domanîya xo de gerîlayan şinasneno. Embaz Dijwar 2008 de hêrişanê vera dadîyanê ma yê kokiman, 2011 de Botan de bi çekanê kîmyewîyan şehadetê embazanê ma ra dima bi qerardarî verê xo dano koyan û beno gerîla.
O Qendîl de perwerde vîneno. Embazê ma Dijwar her ke xo perwerde keno hîna beno marîfetîn. Embaz Dijwar heta 2015î Qendîl de têkoşînêkê xurtî keno. O bi fedakarî û kedkarîya xo beno mazharê heskerdiş û hurmetê pêro embazanê xo zî. Embaz Dijwar 2015 de Dibistana Partîye ya Mazlûm Doganî de perwerde vîneno. Tîya ra o derbazê Metîna beno. Metîna de embaz Dijwar xeylêk çalakîyanê serkewteyan de cagêno û derbanê giranan dano dişmenî ro. Embaz Dijwar dima Akademîya Mahsum Korkmazî de zî perwerde vîneno.
Embaz Dijwar tim pêro mesuldarî û erkanê xo bêkêmasî ano ca. Embaz Diwar heyf ke Kotol de şehîd beno. Ma soz danê ke şexsê embaz Dijwarî de têkoşînê şehîdan biresnê serfîrazîye.” BEHDÎNAN
