Merkezê Îrtîbatî û Çapemenîye yê HPGyî nasnameyê şehîdêkî eşkera kerd. Eşkerayîye wina ya:
”14ê nîsana 2020î de warê Licê yê Amedî de mabênê hêzanê ma û artêşa tirke ya îşxalkere de pêkewtişê bişîdetî qewimîyayî û nê pêkewtişan de embazê ma Bijî Amed şehîd bi.
Embazê ma Bijî Amedo ke fermandaranê ma yê ercîyayeyan Azad Sîser, Çeko Amed, Azad Farqîn, Gulnaze Ege û Berçeme Cîlo reyde têkoşîn kerdbi, bi tecrubeyanê xo tewrbîyayîşêko bêguman mojna. Embazê ma Bijîyî her fedakarîye bê teredutî kerde, bi tewirê xo o bi milîtanêko Apogîr o nimûne.
Ma sere de keyeyê ey ê ercîyayeyî rê pêro şarê Kurdîstanî û Amedî yê welatperwerî rê serweşîye wazenê.
Nasnameyê embaz Bijî Amedî wina yo:
 |
Nameyê Qodî: Bijî Amed
Name û Peyname: Hebûn Kardaş Cayê Bîyayîşî: Amed Maye-Pî: Remzîye – Tacettîn Tarîx û Cayê Şehadetî: 14ê Nîsana 2020î / Amed |
Embazê ma Bijî kelaya ma ya xoverdayîşî Amed de mîyanê keyeyêkê welatperwerî de dadîya xo ra beno. O mîyanê keyeyê xo de û kuçeyanê Amedî de têgêrayîşê azadîye şinasneno. Embazê ma Bijî destpêk de tewrê xebatanê ciwanan beno. O Newroza 2015î de verê xo dano koyan û beno gerîla.
Embaz Bijî warê Amedî de embazanê ma yê serkêşan Azad Sîser, Eylule Amed û Evîne Amed ra perwerde gêno û nê fermandaranê ma reyde têkoşîn keno. Embazê ma Bijî 2015 de wextê xoverdayîşanê xoîdarekerdişî de bi hêrsê vera dişmenî têkoşînê xo aver beno. O xeylêk çalakîyanê serkewteyan de asta serkêşîye de cagêno û embazanê xo rê beno nimûne.
Embazê ma Bijî 14ê nîsana 2020î de Licê de vera dişmenî bi fedayîtî şer keno û seba ke nêkewo destê dişmenî xo ser de bomba teqneno. Embazê ma Bijî heta şehadetê xo qetî tewirê xo yê Apogîrî ra tawîz nêdano û tarîxê têkoşînî yê rûmetênî de cayê xo gêno.”
