Merkezê Îrtîbatî û Çapemenîye yê HPGyî nasnameyê şehîdêkê Zapî eşkera kerd. Eşkerayîye wina ya:
”Menga adare de hêrişê dişmenî yê vera herêma Zapî vera vera zêdîyayî. Nê hêrişan de embazê ma Bîrhat Cîloyo ke tunelanê xoverdayîşî de cagirewtêne û milîtanêko nimûne bi, şehîd bi.
Embazê ma Bîrhato ke wayîrê tewirêkê nimûneyî bibi, şehadetê ci tim do rayîr bimojno ma û bibo sebebê têkoşînê ma. Ma sere de keyeyê ci yê ercîyayeyî rê pêro şarê Kurdîstan û Helebî yê welatperwerî rê serweşîye wazenê.
Nasnameyê embazê ma Bîrhat Cîloyî wina yo:
 |
Nameyê Qodî: Bîrhat Cîlo
Name û Peyname: Îsmail Alî Cayê Bîyayîşî: Heleb Maye-Pî: Fatma – Hisên Tarîx û Cayê Şehadetî: Adara 2023yî / Zap |
Embazê ma Bîrhat qezaya Şêxmeqsûdî ya Helebî de mîyanê keyeyêkê welatperwerî de dadîya xo ra beno. Embazê ma Bîrhat wextê Şorişê Rojawanî de têgêrayîşê ma şinasneno. O 2015 de wextê hêrişanê vera Rojawanî de tewrê têkoşînî beno. Embazê ma 2018 de waya xo Vejîne (Semîra Alî) reyde vera îşxalê Efrînî şer keno. Tîya de waya ci şehîd bena. Embazê ma Bîrhat zî seba ke têkoşînê xo berz bikero verê xo dano koyan.
Embazê ma Bîrhat Zap de têkoşîn keno û vera hêrişanê dişmenî bi qerardarî û xurtî xo ver dano. Embazê ma Bîrhat tunelanê xoverdayîşî de bi tewirê Apogîrî beno şerwanê azadîye yo nîmune. Embazê ma Bîrhat heta şehadetê xo bi bawerîyêka pîle şer keno û têkoşînê xo visneno lewe.”
