Merkezê Îrtîbatî û Çapemenîye yê HPGyî nasnameyê yew şehîdî eşkera kerd. Eşkerayîye wina ya:
“12ê tebaxa 2022î de warê Deşîşê yê Metîna de hêrişanê artêşa tirke ya îşxalkere de embaz Delîl şehîd bi. Embaz Delîl wexto ke gerîlayan seba Şingalî vera DAIŞî şer kerdêne binê tesîrê înan de mend û tewrê gerîlayan bi. Ey seba ke bawer kerdêne ke îdeolojîya Apogîre do merdiman bixelisna kedêka bêsînore daye û wextêkê kilmî de bi fermandar. Ewladê Şingalî yê qehremanî embaz Delîlî peyê xo de şar û ciwananê rûmetênan ê Şingalî rê terzêk û xetêka têkoşînî ya ke serfîrazîye armanc kena, sey mîrasî verda. Sere de keyeyê ey ê ercîyayeyî rê ma pêro şarê Şingalî rê serweşîye wazenê. Embazê ma yo enternasyonalîst embaz Delîl hertim hetê ma û şarê Şingalî ra do sey mîsalêkî bêro qebulkerdene. Ma do alaya embaz Delîlî qetî bi azadîya şaran û serfîrazîye tacîdar bikerê.
Nasnameyê embaz Delîlî wina yo:
Nameyê Qodî: Delîl Botan
Name û Peyname: Xalid Naîf
Cayê Bîyayîşî: Şingal
Maye-Pî: Tarfa – Naîf
Tarîx û Cayê Şehadetî: 12ê Tebaxa 2022yî /Metîna
Embaz Delîlo ke ereb o, dewa Medîbanî ya Şingalî de dadîya xo ra beno. O beno şahidê şerê gerîlayan ê seba azadîya Şingalî û pê keweno binê tesîrî. Dima ke dewa înan hetê gerîlayan ra destê DAIŞî ra ameya xelisnayene embaz Delîl felsefe û îdeolojîya Rayber Apoyî şinasneno û 2018 de zî tewrê gerîlayan beno.
O perwerdeyan de cade adapteyê cuya gerîlatîye beno, wextêk Garê de têkoşîn keno û tîya de tecrubeyanê pîlan visneno destî. Embaz Delîl dima derbazê Metîna beno. O wazeno ke Warê Xoverdayîşî yê Girê Hekarî de mewzîyanê şerî de cabigêro la seba ke wezîfeyê fermandarîye kerdêne nêeşkeno waştişê xo bîyaro ca. La tim pê çalakîyan paştî dano embazanê Girê Hekarî. Embaz Delîl qetî têkoşînê gerîlayan ê Şingalî xo vîr a nêkeno û tim bi fedakarî xebitîyeno. Embaz Delîl pê têkoşînê xo bi temsîlkaranê wayûbiratîya şarê erebî û şarê kurdî. Ma soz danê ke xeyalê ey ê azadîya şaran bîyarê ca.” BEHDÎNAN
