Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî de eşkerayîyêke daye û tede raştîyê ke dewlete nimitê eşkera kerdî.
Eşkerayîye wina ya:
”Gerîlayê Azadîye derbanê xo yê vera artêşa tirke ya îşxalkere rê dewam kenê. Artêşa îşxalkere 4ê nîsane de yewinêka ke tegmen û usttegmenan ra ameyêne pey şawite tunelanê şerî. Nê îşxalkerî gêrîyayî binê kontrolî, bi taktîkê sabotajî ameyî pirodayene û bi çekanê ferdîyan ameyî mudaxelekerdene. Hêzanê ma tîya de dest na çekêka SAR-56î û malzemeyanê îşxalkeran ser. La dewleta îşxalkere sey her wextî kişteyê xo nimitî. Ame tesbîtkerdene ke hûmara serî ya çeka SAR 56î ‘TCK 1102-22CK00541’ a. Ma raştîyanê ke artêşa îşxalkere û medyaya şerê taybetî nimnena bi belge û dîmenan pêşkêşê rayaumûmîye kenê.
Herêma Şehîd Delîlî ya Rojawanê Zapî
4ê nîsane de Warê Xoverdayîşî yê Girê FMyî de 1 sîstemê radarî û 1 sîstemê mobese ameyî îmhakerdene.
8ê nîsane de Warê Xoverdayîşî yê Girê FMyî de 1 projektor û 1 sîstemê mobese ameyî îmhakerdene.
Hêrişê artêşa îşxalkere
5ê nîsane de tunelê Warê Xoverdayîşî yê Girê Cûdîyî bi teqaberanê qedexeyan, heman roje tunelê Warê Xoverdayîşî yê Girê Amedîyê bi teqaberanê qedexeyan û 6ê nîsane de tunelê Warê Xoverdayîşî yê Girê FMyî bi teqaberanê qedexeyan dîyayî bombayan ver.
Mabênê 4-8ê nîsane de warê Serê Metîna, Banka, Bêşîlî yê Metîna; warê Girê Berbizina, Girê Şehîd Hawar, Girê Şehîd Şerîf, Xinêrêya Jorî yê Xakurkê; warê Girê Kun, Deşta Kafya, Gûzê yê Garê; Warê Xoverdayîşî yê Girê Amedîyê, Girê Cûdî, Girê Biharî yê Zapî û 5ê nîsane de warê Lolanî yê Xakurkê dîyayî bombayan ver.”
