Malbat, hempîşe û nûnerên rêxistinên civaka demokratîk, bi boneya 13’emîn salvegera qetilkirina Gerînendeyê Giştî yê Rojnameya Agosê Hrant Dînk, li ser gora wî merasîma bîranînê li dar xist
Gerînendeyê Giştî yê Rojnameya Agosê Hrant Dînk 13 sal berê di 19’ê çileyê de li Stenbolê ji aliyê kujer Ogun Samast ve hate qetilkirin. Bi boneya 13’emîn salvegera qetilkirina Dînk de li ser gora wî merasîma bîranînê hat lidarxistin.
Di merasîma bîranînê ku li Goristana Ermenan a Balikli ya Zeytînburnuyê de hevjîna Dînk, Rakel Dînk, kurê wî Arat, keçên wî Sera û Delal Dînk, hogir û hezkiriyên wî, hempîşeyên wî yên rojnameya Agosê û gelek kes amade bûn.
Di merasîmê de pixûr hatin pêxistin. Beşdarên meraîmê gul danîn ser gora Dînk û dia kirin. Piştî ayîna li ser gorê, bîranîna li ser gora Dînk bi dawî bû.
Îro saet di 15.00’an de jî dê li cihê ku Dînk lê hatibû qetilkirin ango li ber avahiya rojnameya Agosê bi tevlêbûna gelek kesan merasîma bîranînê bê lidarxistin. STENBOL
