Keye, embaz û temsîlkarê rêxistinê demokratîke serrgêra 13. yê qetilkerdişê Mudirê Pêroyî yê Rojnameyê Agosî Hrak Dînkî de merasînê vîrardişî viraştî
Mudirê Pêroyî yê Rojnameyê Agosî Hrak Dînk serrgêra 13. yê qetilkerdişê ci ame vîradene. Dînk 19ê çeleyê 2007î de Stenbol de hetê qetilkerdox Ogun Samastî ram e qetilkerdene. Keye, embaz û temsîlkarê rêxistinê demokratîke serrgêra 13. yê qetilkerdişê Mudirê Pêroyî yê Rojnameyê Agosî Hrak Dînkî de mezelê ci ser de merasînê vîrardişî viraştî
Merasîmê vîrardişî de Goristanê Ermenîyan yê Balikli yê Zeytînburnuyî de hemrayê Dînkî, Rakel Dînk, lajê ci Arat, kênayê ci Sera û Delal Dînk, embaz û heskerdox, xebatkarê rojnameyê Agosî û xeylê kesî hadre bî.
Merasîmê vîrardişî de findî ameyî tafînayene. Merasîm de dua ameyî kerdene û vilikî ronîyayî mezel ser. Badê ayînî vîrardiş peynî bî.
Ewro saet 15.00î de zî cayo ke Dînk ame qetilkerdene de yanî verê awanîya rojnameyê Agosî de bi tewrbîyayîşê xeylê kesan merasîmê vîrardişî ame viraştene. STENBOL
