Navenda Nûçeyan |
Hêzên Rizgariya Efrînê (HRE) têkildarî çalakiyên di navbera 1-3’yê hezîranê yên li cih û demên cuda de li dijî artêşa tirk û çeteyên wê li dar xistin daxuyaniyek da.
Daxuyaniya HRE’yê ya li ser çalakiyan wiha ye:
“Di navbera 1-3’ê hezîranê de, ji aliyê hêzên me çalakiyên bibandor ya bersivdayînê hatin lidarxistin. Di wan çalakiyan de leşker û çeteyên dewleta dagirker hatin hedefkirin ku ev kom heya niha di Efrîna dagirkirî de li hember şêniyên bajar sûcên mirovahiyê pêk tînin, hewl didin demografiya herêmê biguherînin û bi her awayî zext û zorê li gelê me dikin. Di vê çarçoveyê de;
Roja 1’ê Hezîranê: Li Marê, hêzên me li dijî noqteyek çeteyan çalakiyek bi drone lidar xistin. Di encamê vê çalakiyê de hejmara kuştî û brîndarên dijmin nehat zelalkirin. Li gundê Daglibaşê ya Babê, hêzên me li dijî çeteyên dagirker çalakiyek lidar xistin. Di encama vê çalakiyê de 2 çete hatin kuştin. Her wiha doçkayek wesayît hate rûxandin.
Roja 2’yê Hezîranê: Li gundê Keferxweşê ya Ezazê, hêzên me çalakiyek li dijî çeteyên dagirker lidar xistin. Di encama vê çalakiyê de hejmara kuştî û brîndarên dijmin nehat zelalkirin. Heman rojê seetên şevê, di navbera gundên Gobelê û Basilê ya Efrînê, hêzên me li dijî konvoyek artêşa tirk a dagirker çalakiyek sabotajê lidar xistin. Di vê çalakiyê de wesayîteke zirxî ya bi cûreya Kîrpî hate rûxandin. Di encama vê çalakiyê de yek ji wan serleşker, 8 leşkerên dagirker hatin kuştin, 3 leşker jî birîndar bûn.
Roja 3’yê Hezîranê: Li derdora gundê Basufanê, hêzên me li dijî komek leşkerên dagirker çalakiyek lidar xistin. Di encama vê çalakiyê de 4 leşker hatin kuştin, 4 leşker jî brîndar bûn. Li Efrînê, li dijî kargehek gazê ya girêdayî çeteyan çalakiyek sabotajê hat lidarxistin. Di encama vê çalakiyê de kargeh hate rûxandin.
Di wan çalakiyên 3 rojan de bi giştî 12 leşker û 2 çete hatin kuştin, 7 leşker jî brîndar bûn.”
