Hêzên Rizgariya Efrînê (HRE) bi daxuyaniyekê têkildarî çalakiyên xwe yên li Efrîn, Mare, Ezaz û Cindirêsê yên li dijî artêşa tirk a dagirker û çeteyên wê agahî parve kirin.
Daxuyana HRE’yê wiha ye:
“Artêşa tirk a dagirker û çeteyên wê di demên dawîn de êrîşên xwe yên topbaranê li ser herêmê zêde kirin. Li hember wan êrîşan di çarçoveya parastina rewa de di navbera rojên 14 û 19’ê tebaxê de çalakiyên bersivdayînê hatin lidarxistin.
Roja 14’ê tebaxê, li bajaroka Marê di encama çalakiyeke sekvanî de çeteyek hat kuştin. Heman rojê, li gundê Kil Cibrîn ya girêdayî Ezazê di encama çalakiyekê de çeteyek hat kuştin, 3 çete jî birîndar bûn.
Roja 15’ê tebaxê, li gundê Keferxuşê yê Ezazê, hêzên me li hember qaîdeyeke artêşa tirk bi çekên giran çalakiyek li dar xist. Di encama vê çalakiyê de hemjara kuştî û birîndarên dijmin nehat zelalkirin.
Roja 16’ê tebaxê, li navçeya Cindirêsê, di encama çalakiyeke sabotajê de çeteyek hat kuştin û motorek hat rûxandin.
Roja 19’ê tebaxê, li gundê Gobelê ya Efrînê, li hember seyareyeke artêşa tirk çalakiyek hat lidarxistin. Ev seyare hat rûxandin. Piştî çalakiyê dema dijmin cenazeyên xwe radikirin, li hember seyareyeke din jî çalakî hat lidarxistin. Ev seyare jî hat rûxandin. Di encama wan çalakiyan de 5 leşker hatin kuştin, birîndarên dijmin hene lê hejmara birîndaran nehat zelalkirin.
Bi giştî di wan çalakiyan de; 5 leşker û 3 çete hatin kuştin, herî kêm 3 çete jî birîndar bûn.” EFRÎN
