Hêzên Rizgariya Efrînê ragihand ku di çalakiyên hêzên wan ên li Efrîn, Ezaz û Mareyê de 7 çete hatine kuştin û wesayîteke hate rûxandin
Hêzên Rizgariya Efrînê (HRE) têkildarî çalakiyên hêzên wan ên li dijî dagirkeriya dewleta tirk a dagirker daxuyaniyek nivîskî weşand. HRE’yê got li Efrîn, Ezaz û Mareyê 7 çete hatine kuştin.
Daxuyaniya HRE wiha ye: “Hêzên me li dijî komên çete yên girêdayî artêşa dagirker a tirk li herêmên dagirkirî yên Efrîn, Ezaz û Mareyê rêzeçalakiyên sabojatê lidarxistin. Di encama çalakiyan de gelek çete hatin kuştin û birîndar bûn. Di roja 17’ê tebaxê (Duh) hêzên me li dijî bendekî Kontrolê yê koma çete ya bi navê Ehrar el-Şam a li navenda bajarê Efrînê çalakiyeke sabotajê lidarxistin. Di encamê de 4 çete hatin kuştin û 3 jî birîndar bûn. Navê hinek çeteyên kuştî û birîndaran wihaye: Hisên Ebû Ebdo, ji herema Qelemûn a Şamê ye. Xalid Ebû Mihemmed, ji bajarê Helebê ye. Bekir Ebû Muqdad,Xalid Ebû Cûd, Elî Ebû Muhemed. Di heman rojê de hêzên me li dijî komeke ji çeteyên koma El Cebha el-Şamiyê li derdora bajarê Mareyê 2 çalakiyên sabotajê li dar xistin. Di encamê de 2 çete hatin kuştin û 4 jî birîndar bûn. Heman rojê şervanên me bi çalakiyeke sabotajê wesayîteke leşkeri ya çeteyên girêdayî artêşa tirk a dagirker li navenda bajarê Ezazê kirin hedef. Di encamê de wesayît rûxandin, çeteyek hat kuştin û çeteyek jî birîndar bû.”EFRÎN
