HRE’yê ragihand ku di çalakiyên wan ên li Efrîn û Mareyê de 2 leşkerên artêşa tirk û 4 çete hatin kuştin û 6 leşker û çete jî birîndar bûn. Her wiha di çalakiyan de baregehek û erebeyek tevî doçkaya li ser hat rûxandin
Hêzên Rizgariya Efrînê (HRE) der barê çalakiyên xwe yên dawîn de daxuyaniyek weşand. HRE’yê diyar kir k udi çalakiyên hêzên wan de li Efrîn û Mareyê 6 çete û leşkerên tirk hatine kuştin û 6 heb jî birîndar bûne. HRE’yê destnîşan kir ku di çalakiyan de baregeh û wesayîtên çete û leşkerên tirk jî hatine rûxandin.
Di daxuyaniya HRE’yê de ev agahî hatin parvekirin:“Hêzên me çalakiyên xwe yên bibandor li dijî artêşa tirk a dagirker û çeteyên wê li herêma Efrîn û derdora wê berdewam dikin. Di 29’ê tebaxê de hêzên me li dijî navendeke artêşa tirk a dagirker li derdora gundê Basûfanê yê girêdayî navçeya Şêrawa çalakiyeke bibandor li dar xist. Di encamê de ew baregeh hat rûxandin, 2 leşkerên tirk hatin kuştin û 4 jî birîndar bûn. Di 30’ê tebaxê de hêzên me êrîş bir ser baregeheke çeteyên girêdayî artêşa tirk a dagirker li derdora bajarê Mare û şerê rû bi rû bi çeteyan re kir. Hemwextî wê hêzên me bi çalakiyekê wesayîteke leşkerî tevî çeka doçka rûxand. Di encama her du çalakiyan de 4 çete hatin kuştin û 2 jî birîndar bûn.”EFRÎN