HRE’yê bi daxuyaniyekê ragihand ku hêzên wan li gundê Basûtê yê Şera ya Efrînê li dijî komên çeteyan çalakî pêk anî. HRE’yê diyar kir ku di çalakiyê de 2 çete hatin kuştin û 3 çete jî birîndar bûn
Hêzên Rizgariya Efrînê (HRE) bi daxuyaniyekê ragihand ku hêzên wan li gundekî ser bi navçeya Şera ya Efrînê li dijî hêzên artêşa tirk a dagirker û çeteyên wê çalakî pêk anîn. HRE’yê da zanîn ku li herêma Efrînê çalakî û operasyonên hêzên wan ên serkeftî yên li dijî artêşa tirk a dagirker û komên wê yên çete bênavber didomin.
HRE’yê diyar kir ku li derdora gundê Basûtê yê Şerayê çalakiyeke sabotajê pêk anîn û ev agahî parve kirin: “Di 1’ê çileyê saet di 13:00’an de hêzên me li derdora gundê Basûtê yê navçeya Şera ya Efrînê li dijî çeper û stargehên koma çete ya bi navê Firqet El Hemzetê çalakiya sabotajê pêk anî. Di çalakiya encamgir de 2 çeteyên dagirker hatin kuştin û 3 çete jî birîndar bûn.”
Herêm hat topbarankirin
Daxuyaniya HRE’yê wiha bi dawî bû: “Balafirên keşfê yên bêmirov ên artêşa tirk a dagirker li ser navçeya Şera ya Efrînê geriyan. Her wiha gundên Merenaz, Malikiyê, Şewarixa û Kela Şewarixa yên navçeya Şerayê hate topbarankirin. Ji ber topbaranê ziyanên madî çêbûn.”
