HRE’yê ragihand, di 28’ê tîrmehê de li Mareyê li dijî baregeh û stargeha çeteyan çalakiyek pêk hatiye û di encamê de 6 çete hatine kuştin û 2 çete jî birîndar bûne
Hêzên Rizgariya Efrînê (HRE) bi daxuyaniyekê ragihand ku doh li bajarê Mare li dijî komên çete yên bi navên Ehrar El-Şam, Cebha El-Şamiyê û Alaya Duyemîn çalakiyek li dar xistine û di çalakiya wan de 6 çete ji her sê koman hatine kuştin.
Berfirehiya daxuyaniya HRE’yê wiha ye: “Yekîneyên me li derdora bajarê Mareyê rêzeçalakiyên bibandor li dar xistin. Di 28’ê tîrmehê de hêzên me li hember çeperên hevbeş ên çeteyên bi navên Ehrar El-Şam, Cebha El-Şamiyê û Alaya Duyemîn çalakiyek li dar xist. Di encama çalakiyê de ji her sê komên çete 6 kes hatin kuştin û 2 jî birîndar bûn.” EFRÎN
