HRE’yê li dijî hêzên dagirker ên li Efrîn û Mareyê rêze çalakî pêk anîn. Di çalakiyan de 7 leşker û çete hatin kuştin
Hêzên Rizgariya Efrînê (HRE) têkildarî çalakiyên hêzên wan ên li dijî leşker û çeteyên dewleta tirk daxuyaniyeke nivîskî weşand.
Di daxuyaniyê de HRE’yê diyar kir ku hêzên wan di 2’yê hezîranê de li dijî hêzên artêşa tirk ên li gundê Cilbirê yê Şêrawa ya Efrînê çalakî pêk anî. HRE’yê diyar kir ku di çalakiyê de leşkereke artêşa tirk û çeteyekî koma Cebhe El Şamiyeyê hatiye kuştin û 2 leşker jî birîndar bûne.
HRE’yê daxuyand ku di heman rojê de hêzên wan li gundê Seyîd Elî yê Mareyê li dijî komeke çete çalakiya sûîqestê pêk anîne. HRE’yê destnîşan kir ku di çalakiyê de çeteyek hate kuştin. Daxuyaniya HRE’yê wiha dom kir: “Di heman rojê de hêzên me bi çalakiyekî berfireh li baragehekî çeteyên Feyleq El Şam a li gundê Kebaşîn ê Şêrawayê dan. Di çalakiyê de baregeh hate rûxandin, 3 çete hatin kuştin û 4 çete jî birîndar bûn.”
Daxuyaniya HRE’yê wiha bi dawî bû: “Di heman rojê de yekîneyeke me li Cindirêsê li dijî seyareyeke koma çete ya Cebhe El Weteniyeyê çalakiyeke sabotajê pêk anî. Di çalakiyê de çeteyek hate kuştin û seyare hate teqandin.” EFRÎN
