Navenda Nûçeyan |
Hêzên Rizgariya Efrînê (HRE) bi daxuyaniyeke nivîskî der barê çalakiyên xwe yên dawîn de agahî parve kirin.
HRE’yê da zanîn ku hêzên wan di 15’ê nîsanê de li derdora gundê Kefer Nebo yê Şêrawa ya Efrînê li dijî çeteyên dewleta tirk çalakiyeke sabotajê li dar xist û di çalakiyê de 2 çete hatin kuştin û 2 jî birîndar bûn. HRE’yê diyar kir ku di 17’ê nîsanê de jî hêzên wan li derdora Ezazê li dijî çeteyan çalakiya sekvanî kir û di çalakiyê de 1 çeteyek hatiye kuştin.
Bi domdarî jî HRE’yê daxuyand ku hêzên wan di 18’ê nîsanê de li Çerxerêya Wetenî ya navenda Efrînê li dijî çeteyan çalakiyeke sabotajê kir û di çalakiyê de 3 çete hatin kuştin û 3 çete jî birîndar bûne.
Herî dawî jî HRE’yê destnîşan kir ku tevgera balafirên bêmirov a li ser gund û navçeyên Efrîn û Şehbayê û topbarankirina van herêman didome.
