Hêzên Sûriyeya Demokratîk (HSD) li ser malpera xwe ya fermî ragihand ku Yekîneyên Antî Terorê (YAT) 2 çeteyên DAIŞ`ê ku tev li êrîşên terorîst ên li dijî hêzên wan û sivîlên li Dêrazorê bûbûn, girtin.
HSD’ê diyar kir ku operasyon bi destekdayîna hewayî ji aliyê hêzên Koalisyona Navneteweyî ve li bajarokê Cedîd Igêdat ê gundewarê rojhilatê Dêrazorê hat lidarxistin.
HSD’ê got ku piştî şaneyên terorîst dewriyeyeke hêzên wan kiriye hedef, yekîneyên wan di nava 2 rojan de lêgerîn di rûberên berfireh ên herêmê de pêkanîne.
Li gorî malpera fermî ya HSD’ê di wê operasyonê de gelek belge û kaxizên bi çeteyan re hatine desteserkirin. DÊRAZOR
