HSD’ê bi daxuyaniyekê ragihand ku hêzên dagirker ên artêşa tirk û çeteyên wê êrîşî gelek herêmên Zirgan û Til Temirê kir. HSD’ê daxuyand ku li ser bersivdayîna hêzên wan jî herî kêm 58 çete hatin kuştin û 10 wesayît jî hatin rûxandin
Navenda Ragihandin û Çapemeniyê ya Hêzên Sûriyeya Demokratîk (HSD) têkildarî şer û pevçûnên 24 saetên dawî daxuyaniyeke nivîskî da. HSD’ê da zanîn ku artêşa tirk û çeteyên wê li gelek herêman agirbest bin pê kir û êrîşên xwe domandin. HSD’ê destnîşan kir ku hêzên wan jî di çarçoveya mafê xweparastinê de bersiv dane hêzên dagirker.
Daxuyaniya HSD’ê wiha didome:
“ENIYA ZIRGAN Û TIL TEMIRÊ
* Artêşa tirk a daigker û komên çete yên girêdayî wê li gundên Inq El Hewa, Salihiyê, Ebdilselam, Mehmûdiyê, Qasimiyê, Hemdaniyê, Til El Werd û Dirboyê û her wiha li gundewarên Zirgan û Til Temirê bi çekên giran û hejmareke zêde ya çeteyan êrîşî qadên sivîlan kirin.
* Hêzên me di çarçoveya parastina rewa de bersiva hemû êrîşan dan û di encama wê de li wê herêmê şerên giran qewimîn.
*Di encama şerên giran de nêzî 58 çete hatin kuştin, gelek çete birîndar bûn û 10 wesayîtên leşkerî jî hatin teqandin.”
