Eşkerayîya HSDyî wina ya:
“Netîceyê taqîpkerdişî de yewîya taybet ya HSDyî 3 sîxurê ke yew camêrd û 2 cinîyan ra pê yenê tepişti. Nê kesî demanê vîyarteyan de seba dagirkerîya tirke ê herêma Bakur û Rojhelatê Sûrîyeye sîxurê kerdêne.
Goreyê malumat û belgeyanê verênan ke ameyî arêdayîş, îdîayê sîxurîye ê nê kesan ameyo tesdîqkerdiş. Ame eşkerakerdiş ke nê sîxurî malumatan arê dayî û endama Meclîsê Leşkerî yê HSDyî Sosin Bîrhate ra malumatan kom kerdî û dayî endamanê MÎTê tirkî. Netîceyê nê malumatan de fermandar Sosin Bîrhat, fermandarê Meclîsê Leşkerî yê Til Temirî Egîd Girkê Legê û şervanê Meclîsê Leşkerî yê Til Temirî Rubar Hesekê û şervan Seyfullah Ehmedî hêrişê hewayî yê tirkî de 19ê Tebaxa 2021î de ameyî şehîdkerdiş. Heto bîn de endamê Meclîsê Leşkerî yê Yewîya Pawitişê Şarî (YPG) Rênas Rojî zî şehîd bî.
Sîxurê ke ameyî tepiştiş nê yî: Y.E.S (camêrd), E.E.S (cinî) û R.H.H (cinî).
Nê sîxurî îtîraf kerdî ke perspektîf û wezîfeyan MÎTî ra girewtî û wexto ke ameyî tepiştiş hadreyîya yewna pêardişê îstîxbarato ke girewtî kerdêne û amacanê bînan dîyar bikerî.
