Vervatoxê HSDyî Kîno Gabrîyelî vat ke dewleta tirkî cayanê ke dagir kerdî, de bi hêriş û bombardûman wazena şar bitersno û herinda şarî de komanê terorîstan ca bikera
Vervatoxê Hêzê Sûrîyeya Demokratîke (HSD) Kîno Gabrîyelî hêrişê dewleta tirkî ya dagirkere vera şaristananê ke îşxal kerdî, şermezar kerdî.
Gabrîyelî vat: “Rewşa herêmanê Girê Spî û Serêkanîye rewşa alozîye ya. Destpêkê hêrişanê barbaran ê artêşa tirkî vera nê herêman hêrişanê bi wesayîtanê bombabarkerdenan yenê kerdene. Na rewşe herêmanê bînan ê Sûrîye de zî cîya nîya.”
“Ma sey HSDyî hêrişanê xokiştişî û hêrişanê bi bombayan ê vera sivîlan bi pêtî şermezar kenê. Artêşa tirkî nê hêrişanê ke sivîlan kena hedefê xo, berpirsîyar a. Armancê ci sazkerdişê tersî yo. Wazenê roniştoxê dewan û şaristanan erdê xo terk bikerê. Demografîyê herême vurnenê. Wazenê ke keyeyanê terorîstan ê Uygur, Turkistan û ê welatanê bînan, erdê ma de ca bikerê.”
