HSD’ê bi daxuyaniyekê ragihand ku di roja 39’emîn a Berxwedana Rûmetê de jî hêzên dagirker êrîşên xwe domandin. HSD’ê destnîşan kir ku di êrîşan de 2 şervanên wan şehîd bûn
Navenda Ragihandin û Çapemeniyê ya Hêzên Sûriyeya Demokratîk (HSD) têkildarî encamên şer û pevçûnên herêmê daxuyaniyeke nivîskî parve kir. HSD’ê da zanîn ku hêzên dagirker di roja 39’emîn a Berxwedana Rûmetê de jî êrîşên xwe yên li dijî herêmê domandin.
Daxuyaniya HSD’ê ya têkildarî encamên şer wiha ye:
“TIL TEMIR
* Artêşa tirk a dagirker bi armanca amadekariya dagirkirina herêmên nû, bi balafirên bêmirov li seranserê eniyê tevgera xwe domand.
EYN ÎSA
* Artêşa tirk a dagirker gundê Bîr Kîno yê nêzî herêma Qiz Alî bi tank û obûsan bi dijwarî topbaran kir. Artêşa tirk a dagirker her wiha gundê Mişêrfa da ber obus û hawanan û di encamê de ziyanên madî gihiştin mal û milkên şêniyan.
* Di encama êrîşên artêşa tirk a dagirker a bi çekên giran de 2 hevalên me şehîd bûn û 4 hevalên me jî birîndar bûn.”
