HSD’ê bi daxuyaniyekê ragihand ku êrîşên hêzên artêşa tirk a dagirker û çeteyên wê yên li ser Til Temir û Eyn Îsayê didomin
Navenda Ragihandin û Çapemeniyê ya Hêzên Sûriyeya Demokratîk (HSD) bîlançoya 24 saetan a Berxwedana Rûmetê ragihand. Di daxuyaniyê de hate gotin êrîşên artêşa tirk a dagirker û çeteyên wê didomin.
Daxuyaniya HSD’ê wiha dom kir:
“TIL TEMIR
* Dewleta tirk a dagirker û çeteyên wê duh piştî nîvro çeperên Meclisa Leşkerî ya Suryan ên li gundê Um El Kêfê bombebaran kirin.
EYN ÎSA
* Artêşa tirk a dagirker û çeteyên wê derdora gundên Korik û El Kurdî topbaran kirin. Bi topên dagirkeran ziyanên madî çêbûn.”
