HSD’ê bi daxuyaniyekê ragihand ku di roja 49’emîn a Berxwedana Rûmetê de jî hêzên dagirker êrîşî gundên In El Hewa, Sêgiro, Dibsê, Qiz Alî, Zebûna û Xirbet Farsê kirin. HSD’ê diyar kir ku tevgera balafirên keşfê ya li ser seranserî herêmê jî didome
Navenda Ragihandin û Çapemeniyê ya Hêzên Sûriyeya Demokratîk (HSD) têkildarî 49’emîn roja Berxwedana Rûmetê ya li dijî hêzên artêşa tirk a dagirker û çeteyên wê daxuyaniyeke nivîskî parve kir. HSD’ê diyar kir ku tevgera balafirên keşfê yên artêşa tirk a dagirker li seranserî herêmê didome û hêzên dagirker êrîşî gundê Ing El Hewayê dikin.
HSD’ê bi domdarî destnîşan kir ku tevî van êrîşan, tevgera balafirên keşfê (ÎHA) bê navber didome. Têkildarî êrîşên li ser herêma Eyn Îsayê jî HSD’ê ev agahî dan: “Artêşa dagirker û komên çete bi çekên giran û ÎHA’yan êrîşî gundê Sêgiro û Dibsê kirin. Di heman demê de dixwazin dagirkeriya xwe ya li herêmê berfirehtir bikin. Her wiha li nêî gundê Qiz Alî jî artêşa dagirker û komên çete êrîşî gundên Zenûba û Xirbet Fars kirin. Xwestin li vê herêmê jî dagirkeriya xwe berfireh bikin.”
