Fermandarîya Pêroyî ya HSDyî da zanayene ke Mezlûm Ebdî qesawetê xo yê derheqê tayê madedeyanê peymane ya mabênê Rûsya û Tirkîya de ard ziwan û nê qesawetî Rûsya reyde pare kerd.
Fermandarîya Pêroyî ya Hêzê Sûrîyeya Demokratîke (HSD) derheqê pêvînayîşo ke bi rayîrê telekonferansî mabênê Fermandarê Pêroyî yê HSDyî Mezlûm Ebdî, Wezîrê Pawitişî yê Rûsya Sergey Şoygu û Serfermandarê Pêroyî Valerîy Gerasîmovî ame viraşetene de eşkerayîyêke daye.
Eşkerayîye de nê ameye vatene:
“Wezîrê Pawitişî yê Rûsya birêz Sergey Shoîgû û Serfermandarê Pêroyî yê Rûsya birêz Valeriy Gerasîmov Fermandaê Pêroyî yê HSDyî Mezlûm Ebdî reyde qisey kerd. Her di hetan netîceyê hempeymana Socî ya ke mabênê Serekê Rûsya Vlademîr Putîn û Serekkomarê Tirkîya Recep Tayyîp Erdoganî de 22ê Teşrîna Verêne de Socî de ameyî viraştene, munaqeşe kerd.
Fermandarê Pêroyî yê HSDyî sipasîya xo Serekê Rûsya Vlademîr Ptîn û yewîya Rûsya rê pêşkêş kerd ke seba ke herême de şer biqedo cehd kerd û sivîlî trajedîyêkê merdimîye ra dûr fina.
Fermandarê Pêroyî Mezlûm Ebdî qesawetê xo yê derheqê tayê madeyan de ard ziwan û seba çareserîya nê zî îfade kerd ke ganî munaqeşe û dîyalogî bêrê kerdene.”
