HSD da zanayene ke hêzê înan Reqqa de vera grûbek nimite ya DAIŞî de operasyonêk taybet pê ard û 6 çeteyê înan tepiştî. HSD dîyar kerd ke sewbîna xeylê cinîyê DAIŞî yê ke remayî zî verê na grûbe de bî û hêzê înan xeylê darûyanê teqemenîyan zî desteser kerdî
Merkezê Resnayîşî û Çapemenî yê Hêzê Sûrîyeya Demokratîke (HSD) eşkerayîyêka nuştekî pare kerd û da zanayene ke hêzê înan Reqqa de vera grûbek nimite ya DAIŞî de operasyonêk taybet pê ardî û 6 çeteyê înan tepiştî.
HSD eşkerayîya xo de dîyar kerd ke yewîyê înan yê asayîşî 8 teşrîna peyêne de Reqqa de vera grûbek nimite ya DAIŞî ke demêko dergo ke ê înan taqîb kenî de operasyonêk taybet pê ardî. HSD da zanayene ke netîceyê operasyonî de 6 çeteyê DAIŞî ameyî tepiştene û xeylê çeteyê ke darûyanê teqemenîyan waştêne ke vera ca û kesan de bixebetnî ameyî tepiştene.
Eşkerayîya HSDyî de ame vatene ke grûba çeteyan xeylê cinîyê ke netîceyê hêrişanê dagirkerîye de remaybî zî kişta înan de bî. Goreyê eşkerayî operasyon de şervanan dest ronayî 29 telîsê TNTyî ke nizdîyê 500 kîlo bî, 61 mayin û 3 mayinê erdî, 3 rextê teqemenîye, 28 mayinê destan, çekêk kaleşnîkofî, 2 çekê AKSyî, bakarayêk Kortaks, 3 jarjorê kaleşnîkofî û 50 guleyê înan, 2 demanceyê 8,5 mm û demanceyêk Glockî.
Goreyê eşkerayî nameyê kesê ke ameyî tepiştene wina yî: “Y.H, M.H, H.H, H.C, A.X û M.D.”
