HSDyî bi eşkerayîyeka nuştekî da pêhesnayene ke şer û pêrodayîşê mabenê hêzanê înan û hêzê dagirkeran dewam keno. Şer û cewabdayîşê şervananê HSDyî de tewr tay 50 çeteyî û dagirkerî ameyî kiştene û 16 şervanê HSDyî zî şehîd kewtî
Merkezê Çapemenîya HSDyî netîceyê hêrişanê dagirkerîye yê 22ê Teşrîna Verêne eşkera kerdî. Eşkerayîye de ame parekerdene ke artêşa tirkî ya dagirkere 22ê Teşrîna Verêne de zî hêrişanê xo rê dewam kerd û derheqê netîceyanê şerî de nê zanayîşî ameyî parekerdene:
SERÊKANIYÊ
“*Komanê çeteyan waşt ke bi wesayîtanê zirxî xo nêzdîya çeperanê şervanan bikê. Hêzanê ma bi armancê pawitişî cewab da nê têgêrayîş û çeteyêk ame kiştene.
DÊRIK
*Teyarayanê keşfî û şerî yê artêşa tirkî ya dagirkere herême de têgêrayêne. Artêşa dagirkere 22ê Teşrîna Verêne de serê xeta sînorî de têgêrayîşê xo rê bi wesayîtanê sivîlan dewam kerd.
KOBANÊ Û EYN ÎSA
*22ê Teşrîna Verêne komanê çeteyan ê artêşa dagirkere bi hûmarêka pîle çeteyan, wesayîtanê zirxî, çekanê giranan û bi paştdayîşê teyarayanê bêmerdimî waşt ke dewa Çelbî rê hêriş bikê.
*Hêzanê ma cewab da hêrişan û heta saete 12 pêkewtişê giranî qewimîyayê. Zafê kişte û birîndarê artêşa tirkî bîyî. Reyna pêkewtişanê dormeyê dewe de ke heta şanî dewam kerd, tewr tay 50 çeteyê artêşa dagirkere ameyî kiştene, wesayîtêkê zirxîn û motorêk ameyî îmhakerdene.
*Embazê ma Sebrîyî, pêkewtişê dewa Celbî de bi hewayêkê mêrxasî heta fîşekê xo yo peyên şer kerd. Embaz Sebrî dima ke dormegirewtişê çeteyan de mend, seba ke nêkewo dest bi bombaya xo çalakîyêka fedayîye kerde û şehîd kewto. Embaz Sebrî, xeta Arîn û Barînan de wexto ke dişmen bawer kerd ke resayo armancê xo, bi armancê parçekerdişê dormegirewtişê dişmenî çalakîyêka fedayîye kerde. Ma do zanayîşanê nasnameyî yê embazê xo Sebrî dima rayaumûmîye reyde pare bikê. Nê xoverdayîş de 16 embazê ma şehîd kewtî û 13 embazê ma zî birîndar bîyî.”
