HSD’ê bi daxuyaniyekê ragihand ku hêzên wan 24 şervanên xwe yên ku di demên dawî de ketine destê çeteyên DAIŞ’ê rizgar kirine
Navenda Ragihandin û Çapemeniyê ya Hêzên Sûriyeya Demokratîk (HSD) bi daxuyaniyekê têkildarî şervanên wan ên di destê çeteyên DAIŞ’ê agahî dan. HSD’ê da zanîn ku wan 24 şervanên xwe yên ku ji hêla çeteyên DAIŞ’ê ve di demên cuda de dîl hatibûn girtin, rizgar kirine.
Di daxuyaniya HSD’ê de ev agahî hatin parvekirin: “Karê ji bo rizgarkirina sivîlan a li herêma Baxozê ji destê çeteyên DAIŞ’ê dewam dike. Di vê çarçoveyê de hêzên me li gorî pîvanên exlaqî û ewlekariya jiyana sivîlan, navber dan têkoşîna yekser a li dijî terorê û hewl didin sivîlan ji metirsiyê rizgar bikin. Hêzên me bi hezaran sivîl û şervanên me yên ji aliyê terorîstan ve hatibûn revandin rizgar kirin. Bi korîdora ewlekariyê re me 24 şervanên xwe ji terorîstan rizgar kirin.”
Li hêla din jî ji duh ve di navbera şervanên HSD’ê û çeteyên DAIŞ’ê de şer û pevçûnên giran diqewimin. DÊRAZOR
