Şervanên HSD’ê li qada şer êdî dest bi bikaranîna çekên giran kir. Hat zanîn ku şervanên HSD’ê li ser xeta Eyn Îsa û Çelebiyê bi fuzeyên katyûşayê li çete û leşkerên dagirker dan
Berxwedana Rûmetê ya li hemberî êrîşa dagirkeriyê ya dewleta tirk û komên wê yên çete di roja 8’emîn bi hemû serkeftinên xwe didome. Şervanên HSD’ê ku li seranseriya sînorê rojavayê Kurdistanê derbên giran li dagirkeran dide, bi çalakiyên cur bi cur li ber xwe didin.
Li gorî nûçeya nûçegihanê MA’yê Nazim Daştan, li ser xeta Eyn Îsa û Çelebiyê ji duh ve di navbera şervanên HSD’ê û hêzên dagirker de şerekî dijwar diqewime û hêzên dagirker herêmê bênavber bombebaran û topbaran dikin. Di nûçeyê de tê destnîşankirin ku şervan jî êdî bi çekên giran bersivan didin hêzên dagirker.
Di nûçeyê de hat diyarkirin ku komên dagirker ên ku derbên giran xwarin, paşve reviyan. Hat ragihandin ku şervanên HSD’ê êdî di şer de dest bi bikaranîna fuzeyên katyûşayê kir. Her wiha komên çete li wê herêmê êrîşî hêzên rejîma Sûriyeyê û girtîgeha ku DAIŞ’î tê de ne kir. Hat zanîn ku di êrîşan de 3 leşkerên rejîmê hatin kuştin û 10 leşker jî birîndar bûn. GIRÊ SPÎ
