HSD’ê bi daxuyaniyekê ragihand ku di roja 45’emîn a Berxwedana Rûmetê de jî hêzên artêşa tirk a dagirker êrîşên xwe domandin. HSD’ê diyar kir ku di êrîşan de şervanekê wan şehîd û yek jî birîndar bû
Navenda Ragihandin û Çapemeniyê ya Hêzên Sûriyeya Demokratîk (HSD) têkildarî şer û pevçûnên di roja 45’emîn a Berxwedana Rûmetê de rû dan de bi raya giştî re daxuyaniyek parve kir. HSD’ê da zanîn ku hêzên artêşa tirk a dagirker û çeteyên wê li seraserê xeta eniyê êrîş û tevgera xwe ya dagirkeriyê domandin. HSD’ê ragihand ku tevî êrîşan, artêşa tirk a dagirker tevgera xwe ya li ser rêya M4’ê ya navdewletî jî zêde kir.
Daxuyaniya HSD’ê wiha dom kir:
TIL TEMIR
* Artêşa tirk a dagirker û komên çete yên girêdayî wê li gundê Leylanê hewl dan qadên nû dagir bikin û tevgera xwe li herêmê berdewam kir.
EYN ÎSA
* Li herêma gundê Mesûdiyê artêşa tirk a dagirker û komên çete êrîşî herêmên sivîlan kirin. Her wiha cebilxaneya artêşa tirk a dagirker di hundirê depoya genim de teqiya û di encamê de hejmarekê çete û leşkerên artêşa tirk a dagirker mirin.
QIZ ALÎ
* Hêzên dagirker li herêma gundên Kefîfa û Zenûbayê bi obus û tankan herêm topbaran kir. Her wiha li ser herêmê tevgera balafirên keşfê bê navber berdewam kir.
* Di encama êrîşên artêşa dagirker de hevalekî me şehîd bû hevalekê me jî birîndar bû.”
